Міністр адукацыі Беларусі Андрэй Іванец ў чэрвені 2022 года заявіў, што ад 2023-2024 навучальнага года ў Беларусі ўвядуць абавязковую школьную форму. Ужо летам 2022 беларускія фабрыкі паказалі калекцыі школьнай формы. Сярод іх некалькі варыянтаў “капсул”. Hrodna.life паглядзеў, што прапануюць дзецям і падлеткам і ў колькі гэта абыдзецца бацькам.
“Палессе”
Акрамя класічных капсул для школьнага гардэроба фабрыка прадставіла варыянты клёш, оверсайз, а таксама кеды ў спалучэнні з афіцыйна-дзелавым стылем. Склад адзення – напалову воўна ці хлопак разам з сінтэтыкай.
Капсула – капcульны гардэроб – калекцыя з некалькіх асноўных прадметаў адзення, якія не выходзяць з моды – спадніцы, кроп-топы нагавіцы і пальто, якія можна дапоўніць сезоннымі прадметамі.
У лінейцы адзення для дзяўчат вытворца паказаў не толькі спадніцы, сарафаны і нагавіцы, але і шорты, а таксама скарочаныя штаны. Цана за адзінку адзення ад 20 да 25 рублёў (без уліку ПДВ).
Для хлопчыкаў ёсць выбар жакетаў і джэмпераў. Іх склад – напалову хлопак, напалову сінтэтыка. Цана за адзінку ад 13 да 30 рублёў (без уліку ПДВ).
“Світанак”
Вытворца заявіў, што ў калекцыі вырашыў выкарыстоўваць “зручныя канструкцыі з мінімумам ускладняючых элементаў”. Памерная шкала складаецца з 60 па 84 памеры.
Цана на такое адзенне:
- класічная спадніца – 15 рублёў
- штаны – 20 рублёў
- сарафаны – каля 16 рублёў
- джэмпер для хлопца – 21 рубель
- спартовыя штаны для дзяўчыны – ад 20 да 30 рублёў
- спартовы касцюм для дзяўчыны – 36-65 рублёў
- спартовыя штаны для хлопца з элементамі беларускага арнамента – ад 25 рублёў
- спартовы касцюм для хлопца – да 63 рублёў
“Славянка”
Брэнд “SLV” сцвярджае, што форма адпавеядае нормам дзелавога адзення. Акрамя гэтага, яна дысцыплінуе і настройвае на працу. Паводле словаў брэнда, што вучань будзе адчуваць гонар за свой знешні выгляд.
- Сарафан для дзяўчыны – ад 19 да 33 рублёў
- Штаны для хлопцы – ад 24 да 28 рублёў
- Блузка для дзяўчыны – ад 25 да 35 рублёў
- Штаны для дзяўчыны – ад 20 да 37 рублёў
“8 марта”
Вытворца спартовай формы заяўляе, што калекцыя адзення – стылёвая і элегантны. Форма пашыта з хлопка, эластана, паліэфіра і віскоза. Па словах кампаніі, форма дае дзецям паказаць сваю індывідуальнасць і застацца ў межах школьнага дрэс-кода.
- Джэмпер для дзяўчыны – ад 8,55 да 18,85 рублёў
- Джэмпер для хлопца – ад 22,90 да 24, 15 рублёў
- Шорты для дзяўчыны – ад 12,85 да 16,40 рублёў
- Штаны для хлопцы – ад 17 да 17,55 рублёў
“Калинка”
Новая калекцыя “Калинки” – аптымальнае вырашэне для сучасных дзяцей, бацькі якіх сочасць за тэндэнцыямі моды і цэняць стабільную якасць, напісана ў прэзентацыі. У калекцыі ёсць сукенкі для дзяўчын, джэмперы і штаны. Якія будуць цэны на форму, фабрыка не пазначыла.
“Купалинка”
Фабрыка сцярджае, што яе школьнае калекцыя адказвае сучасным тэндэнцыям і актуальным стылёвым накірункам. У калекцыі ёсць джэмперы для дзяўчын з блакітным арнаментам, які падобны да вышыванкі.
- Джэмпер для дзяўчыны – ад 14 да 15 рублёў
- Сукенка для дзяўчыны – 15 рублёў
- Штаны для дзяўчыны – 24 рублі
Якія яшчэ фабрыкі прапануюць форму для школьнікаў
Прадпрыемства “БелКредо” прапануе хлапчуковыя пінжакі, камізэлькі і штаны. Цана за пінжак і штаны будзе прыкладна 100 рублёў.
“Галантея” у 2022 годзе прадставіла каля 100 відаў заплечнікаў. Яны маюць светаадлюстроўваючыя элементы, жорсткія рэльефныя спінкі з анатамічнымі ўстаўкамі, а таксама шчыльныя лямкі. Заплечнікі ёсць як для навучэнцаў пачатковай школы, так і для вучняў сярэдніх і старэйшых класаў.
Абутак прадставіла гродзенская абутковая фабрыка “Нёман”. Паводле прэзентацыі, школьны абутак адпавядае нормам дзелавога аддзення, дысцыплінуе, наладжвае на працу. Дзякуючы абутку ў дзіцёнка ўзнікае пазітыўна настрой, жаданне навучацца і ён адчувае гонар за свой знешні выгляд. Арыгінальны дызайн – тое, што цікава сучасным дзецям.
Чытайце таксама: Забяспечыць замовамі і павялічыць заробак. Як «Белвест» плануе адраджаць гродзенскі «Нёман»
