Еўрасаюз зацвердзіў шосты пакет санкцый супраць Расіі. У яго патрапілі і беларускія прадпрыемствы. Сярод іх Гродзенская тытунёвая фабрыка «Нёман». Гэта адбылося 3 чэрвеня, у 100-ы дзень вайны Расіі супраць Украіны.
«З-за агрэсіўнай вайны Расеі супраць Украіны і яе падтрымкі Беларуссю, а таксама паведамленняў аб злачынствах, якія здзяйсняюцца расейскімі ўзброенымі сіламі ва Украіне, савет сёння пастанавіў ўвесці шосты пакет эканамічных і індывідуальных санкцый, накіраваных як супраць Расеі, так і супраць Беларусі», — напісана ў прэс-рэлізе Еўрасаюза.
Чаму гродзенская «табачка» патрапіла пад санкцыі
Гродзенская тытунёвая фабрыка «Нёман» — Беларускае дзяржаўнае прадпрыемства і адна з асноўных крыніц даходаў рэжыму Лукашэнкі. Доля кампаніі на тытунёвым рынку Беларусі складае 70−80%. Такім чынам, «Нёман» здабывае выгаду з рэжыму Лукашэнкі і падтрымлівае яго, напісана ў тлумачэнні да санкцыйнага спісу.
Супраць якіх Беларускіх кампаній таксама увялі санкцыі
Еўрасаюз ўвёў эканамічныя і персанальныя санкцыі супраць Расіі і падтрымліваючай яе Беларусі. У санкцыйны спіс патрапілі:
- Беларуськалій
- Беларуская калійная кампанія
- Inter Tobacco
- Нафтан
- Гродзенская тытунёвая фабрыка «Нёман»
- Белмытсэрвіс
- Белкамунмаш
- Белтэлерадыёкампанія
- Белінвестбанк адключасць ад сістэмы SWIFT
Пад санкцыі патрапілі не толькі кампаніі, але і фізічныя асобы. Сярод іх старшыня цэнтрвыбаркаму Ігар Карпенка, а таксама прапагандысты Ігар Тур, Людміла Гладкая, Грыгорый Азаронак.:
Гэта не першыя санкцыі для тытунёвай фабрыкі
У першую гадавіну фальсіфікацыі прэзідэнцкіх выбараў у Беларусі, 9 жніўня 2021 года, упраўленне па кантролю за замежнымі актывамі Міністэрства фінанаў ЗША (OFAC) увяло санкцыі супраць 23 фізічных асобаў і 21 юрыдычнай асбы. Сярод іх дырэктар «Гродна-Азот» — Ігар Ляшэнка, і Гродзенская тытунёвая фабрыка «Нёман».
У верасні 2021 года кампанія «British American Tobacco» спыніла супрацоўніцтва з Гродзенскай тытунёвай фабрыкай «Нёман». Прычынай назвалі санкцыі і абвінавачванні BAT у парушэннях правоў чалавека і незаконным гандлі.
Чытайце таксама: Тытунёвая фабрыка «Нёман» спадзяецца знайсці замену сыравіне з ЕС у Кітаі
