Адміністрацыйны будынак "Гродна Азот". Фота: Hrodna.life
Раніцай 29 красавіка затрымалі Андрэя Ханевіча, старшыню першаснай арганізацыі Беларускага незалежнага прафсаюза ААТ «Гродна Азот», паведаміў канал завадчан. Інфармацыю пацвердзіла Hrodna.life іншая крыніца. Абставіны затрымання застаюцца невядомымі.
Андрэй Ханевіч — 47-гадовы апаратчык цэха «карбамід-3» і старшыня першаснай арганізацыі Беларускага незалежнага прафсаюза на «Гродна Азот».
У студзені 2021 года арганізацыя налічвала 500 чалавек. Са жніўня да снежня 2020 прафсаюз вырас у 20 разоў (з 20 членаў да больш чым 400). У 2022 годзе колькасць скарацілася да 150.
Кіраўніцтва «Гродна Азот» было незадаволена, што ў Беларускім незалежным прафсаюзе не падтрымалі звароту Белхімпрафсаюзу аб адмене санкцый. «Галаслоўныя і правакацыйныя заявы аб парушэнні правоў сябраў БНП або магчымых звальненнях, якімі незалежны прафсаюз апраўдвае неўмяшанне ў дадзеную праблему, перш за ўсё сведчаць аб яго дэкструктыўным і спажывецкім дачыненні да заводу», — лічыць кіраўніцтва.
27 красавіка пасля праверкі пракуратура Гродзенскай вобласці прыпыніла дзейнасць першаснай арганізацыі Беларускага Незалежнага прафсаюза работнікаў ААТ «Гродна Азот». Пракурор Гродзенскай вобласці вынес у адрас кіраўніка адпаведную пастанову. У Гродзенскі абласны суд накіравалі заяву аб прызнанні экстрэмісцкай арганізацыяй прафсаюза, забароне яе дзейнасці і ліквідацыі.
Прычынай стаў удзел кіраўніка і членаў першаснай арганізацыі ў спробе арганізаваць страйк на прадпрыемстве «выключна ў палітычных мэтах».
Інфармацыю ў закрытым Telegram-чаце для сябраў незалежнага прафзвязу «Незалежны Азот» прызналі экстрэмісцкай.
Чытайце таксама:
У сярэдзіне красавіка былі затрыманыя каля 20 прадстаўнікоў незалежнага прафруху Беларусі. Гэта кіраўніцтва і супрацоўнікі офіса Беларускага кангрэса дэмакратычных прафсаюзаў (БКДП), а таксама лідары і актывісты, якія ўваходзяць у БКДП прафсаюзаў СПМ (Свабодны прафсаюз металістаў), СПБ (Свабодны прафсаюз Беларускі), РЭП (Беларускі прафсаюз работнікаў радыёэлектроннай прамысловасці).
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…