Навіны

У Гродне адрамантуюць Палац культуры «Юнацтва»: у ім 12 гадоў не было канцэртаў

Будынак Палаца культуры «Юнацтва» ў Гродне чакае капітальны рамонт з мадэрнізацыяй памяшканняў і ўнутраных інжынерных сетак. Таксама там уладкуюць безбар’ернае асяроддзе. Работы збіраюцца завяршыць у канцы 2023 года. Пакуль працэс на стадыі выбару інжынернай арганізацыі для кантролю за будаўніцтвам.

Агульная плошча будынка Палаца культуры «Юнацтва» на вул. Урублеўскага, 33 — 5620,4 м². З іх адрамантуюць менш за палову — 2315,0 м². Гэта:

  • тамбур, вестыбюль, гардэроб, зала, сцэна, склад на першым паверсе,
  • фае на другім паверсе,
  • балкон, кабінеты — на трэцім,
  • памяшканні падвала.

У планах — рамонт сістэмы дымавыдалення і вентыляцыі, рамонт або замена установак аўтаматычнага пажаратушэння, сістэм пажарнай сігналізацыі і абвесткі аб пажары, рамонт сістэмы электрасілкавання будынка, аднаўленне сістэмы механічнага абсталявання сцэны і яе элементаў, замена канструкцыі дзвярных груп, падлогі і крэслаў глядзельнай залы, адзення сцэны і іншае.

Калі пачнецца рамонт?

Гродзенскі гарадскі цэнтр культуры да 17 сакавіка праводзіць запыт цэнавых прапаноў. Праект пачнуць 31 сакавіка і збіраюцца завяршыць да 31 снежня 2023 года. Каштуе закупка 58 890 рублёў з гарадскога бюджэту. Яна складае 1,06% ад арыентыровачным кошту будаўніча-мантажных работ па аб’екце. Паводле іншай інфармацыі з дакументаў на сайце дзяржзакупак, поўны кошт будаўніцтва аб’екта — 8 426 600 рублёў.

Інжынерная арганізацыя прыцягваецца для комплекснага кіравання будаўніцтвам. Абавязкі фірмы апісаны на 2,5 лістах. Яны ўключаюць падрыхтоўку дакументаў, выбар падрадчыкаў, арганізацыю работ і кантроль за іх выкананнем.

Гісторыя будынка

Былы палац культуры «Юнацтва» пабудавалі ў 70-х гадах XX стагоддзя на сродкі прадзільна-нітачнага камбіната (сёння — ААТ «Гранітэкс»). Ён быў папулярнай канцэртнай пляцоўкай: у 1980−90 — х там выступалі польскі Lady Pank і фэйкавая версія «Сектара Газа», праходзілі папулярныя дыскатэкі. Канцэртная зала выкарыстоўвалася да 2010 года.

Палац культуры «Юнацтва» ў 1976 годзе. Фота: oldgrodno.by

Потым будынак перайшоў на баланс Гродзенскага дзяржаўнага універсітэта імя Янкі Купалы. Зараз там знаходзіцца навучальны корпус: Інстытут павышэння кваліфікацыі і перападрыхтоўкі кадраў, Фізіка-тэхнічны факультэт і адзін з філіялаў бібліятэкі. «Сам будынак поўны савок, зімой у вялікіх аўдыторыях холадна і першапачаткова вельмі лёгка заблудзіцца, пакуль шукаеш патрэбны кабінет», — напісаў водгук карыстальнік.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025