Новым кіраўніком каталіцкай царквы Беларусі стаў біскуп-памочнік з Гродна

Ватыкан прызначыў новага арцыбіскупа Мінска-Магілёўскай архідыяцэзіі. Кіраўніком каталікоў Беларусі стаў Юзаф Станеўскі.

Аб прызначэнні паведаміла прэс-служба Ватыкана. Да прызначэння Станеўскі быў дапаможным біскупам Гарадзенскай дыяцэзіі, яшчэ раней — рэктарам Гродзенскай вышэйшай духоўнай семінарыі. Іосіф Станеўскі нарадзіўся ў вёсцы Занявічы Гродзенскага раёна. Яму 52 гады.

13 жніўня 2020 года біскуп Юзэф Станеўскі заклікаў казаць блізкім праўду, а падзеі ў Беларусі параўнаў з братазабойствам Каіна. «Што МЫ робім з сынамі і дочкамі нашай Маці-Беларусі?!», — запытваў ён і заклікаў дараваць.

Да прызначэння Станеўскага часовым Апостальскім адміністратарам быў біскуп Казімір Велікаселец. Ён стаў ім пасля адстаўкі арцыбіскупа Тадэвуша Кандрусевіча 3 студзеня ў сувязі з дасягненнем 75-гадовага ўзросту.

Да гэтага Кандрусевіча не ўпускалі у Беларусь нібыта ў сувязі з несапраўдным пашпартам. Раней ён асудзіў гвалт пасля выбараў у 2020 годзе.

Чытайце таксама:

• Лукашенко: Кондрусевич в списке невъездных, общем у Беларуси и Росии, а костел мы защищаем
• «Мы сильные, когда мы вместе». Как в гродненском Фарном костеле встречали Тадеуша Кондрусевича

У канцы жніўня 2020 года ў Беларусі памяняўся і кіраўнік праваслаўнай царквы. Мітрапаліта Паўла змяніў на пасадзе епіскап Барысаўскі і Мар'інгорскі Веніямін.

Чытайце таксама:

• Гродненского архиепископа Артемия сняли с должности. В августе он осудил насилие силовиков
• Троих священников из Гродно сняли с должностей. В прошлом году они выступали против насилия (обновлено)