Гродзенскі бар «На провадзе» на вуліцы Тэлеграфнай зачыніўся 10 верасня. Прычыны: эканамічная сітуацыя, нерэнтабельнасць і не праходнае месца, расказаў Hrodna.life уладальнік бара Алег Ёрш.
Бар «На провадзе» адкрыўся ў пачатку жніўня 2020 і прапрацаваў крыху больш за год. У інтэр'еры былі выкарыстаны рэчы з прыватнай калекцыі ўласніка: больш за два дзясяткі тэлефонных апаратаў, лядоўні, плакаты розных эпох, а таксама савецкая тэлефонная будка 1960-х гадоў.
«Калі бар адкрываўся, то ён разлічваўся на турыстаў, якія будуць прыязжаць у Гродна. Але з-за пандэміі каранавіруса турыстаў няма», — распавёў Hrodna.life уладальнік бара Алег Ёрш.
Не толькі адсутнасць турыстаў паўплывала на існаванне бара: «Прыбытак быў прамежкавым, бо ўсё ж такі штомесяц мы рабілі і канцэрты, і прэзентацыі, але месца не праходнае». Алег ведае, што будынак, у якім месціўся бар, плануюць рэканструяваць.
Зараз Алег Ёрш плануе зрабіць невялікі перапынак. «Перадыхну, пераасэнсую і буду працаваць над новымі ідэямі, якія ўжо ёсць. Бо я чалавек, які не стаіць на месцы», — распавёў Hrodna.life Алег.
Алег Ёрш — гродзенскі калекцыянер. У 2017 годзе ён адкрыў «Цікавы музей» на вуліцы Замкавай. Там былі сабраны прадметы побыту мінулых стагоддзяў - больш за 600 экспанатаў. Таксама Алег працуе ў напрамку трэш-арту: робіць інсталяцыі з выкінутых рэчаў і праводзіць выставы па ўсё краіне. У красавіку 2021 года «Цікавы музей» закрыўся, бо цану арэнды паднялі ў шэсць разоў.
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…