нерухомасць у Гродне

145 рублёў або $ 58 просяць за будынак былога палаца ў Дзятлаве. Нежылы двухпавярховы будынак з падвалам і чатырма халоднымі прыбудовамі паспрабуюць прадаць 15 верасня ў Гродне па адрасе вул. 17 верасня, 39.

Плошча будынка — 1527.5 м2. Цяпер ім валодае Аддзел ідэалагічнай работы, культуры і па справах моладзі Дзятлаўскага раённага выканаўчага камітэта. Пасля пакупкі ўладальнік атрымае таксама зямельны ўчастак плошчай 0, 4137 га.

Будынак — 1751 года пабудовы. Яго пабудаваў Мікалай Фаўстын Радзівіл на месцы спаленага шведамі драўлянага замка. З 1938 да 2010 года ў ім размяшчалася гарадская стаматалогія.

Палац Радзівілаў у Дзятлаве можна купіць з аўкцыёну за 145 рублёў
Месцазнаходжанне Палаца Радзівілаў. Скрыншот Hrodna. life

Аб’ект здаецца ў арэнду на 50 гадоў. Не пазней за тры гады ўладальнік павінен пачаць выкарыстоўваць палац. Калі будзе праводзіцца рэканструкцыя — на працягу пяці гадоў. Уласнік падпіша ахоўныя абавязальніцтвы. Гаворка ідзе аб ахоўнай зоне ліній электраперадачы, водаахоўнай зоне воднага аб’екта і прыбярэжнай паласе воднага аб’екта.

Некалькі разоў аб’ект ужо выстаўляўся на таргі, але ніхто яго не выкупіў.