Чацвёрты ў Гродне мост праз Нёман рыхтуюць да адкрыцця ў трэці раз. Гэта можа адбыцца ўжо 31 ліпеня або 1 жніўня: рамонтныя працы пасля апошняй залевы плануюць завяршыць за два тыдні.
Спецыялісты абяцаюць аднавіць размыты моцным дажджом мост за 7−8 дзён, расказалі на «Беларусь 4». На наладжванне ліўнёўкі можа спатрэбіцца больш часу, але не больш двух тыдняў. За гэты час збіраюцца падрыхтаваць новае ўрачыстае адкрыццё з канцэртнай праграмай.
Усходні мост прайшоў неабходныя выпрабаванні і гатовы да эксплуатацыі, але рух па ім пакуль не адкрыюць. Зараз на мосце працуе спецтэхніка, вядуць аднаўленчыя працы.
«[Ідзе] падвоз пяску, працы па бетанаванні, разбор завалаў, аднаўленне адхонаў і ухілаў. Пры гэтым, калі паралельна рухаецца грамадзянскі транспарт і цяжкая тэхніка — заўсёды ёсць небяспека якіх-небудзь пазаштатных сітуацый», — так старшыня гродзенскага аблвыканкама Уладзімір Каранік патлумачыў забарону на праезд транспарту па новым мосце.
Чытайце таксама: У Гродне з’явіцца новы аўтобусны маршрут: ён пройдзе праз новы мост
Адкрыццё моста пераносяць ўжо трэці раз, і другі раз яго размывае дажджом. Першае адкрыццё планавалі на 3 ліпеня, Дзень Незалежнасці. Тады яго перанеслі. Праз пару дзён, пасля моцнай залевы 5 ліпеня, затапіла новую развязку каля Пагаран, часткова абрынулася праезная частка, ходнік, размыла схілы. Гэта здарылася праз тое, што на іх яшчэ не вырасла трава, расказаў тады Уладзімір Каранік для «Гродна Плюс», да таго ж была пашкоджана ліўнёўка. Усё аднавілі, ліўнёўку перарабілі.
На ўрачыстае адкрыццё моста і канцэрт 17 ліпеня мусіў прыехаць Аляксандр Лукашэнка. Праз наступствы новага моцнага дажджу адкрыццё зноў перанеслі.
Пасля дажджу 17 ліпеня праезная частка не пацярпела — па словах Караника, яе выратавала пераробленая ліўнёўка. Тым не менш у тым жа месцы абрынулася частка ходніка, зноў размыла схілы. «Праекціроўшчыкі кажуць, што разлічвалі на дождж, які бывае раз на 20 гадоў, але гэты нават іх разлікі перавысіў», — распавёў Уладзімір Каранік.
Пасля дажджу 17 ліпеня гродзенцы заўважылі, што вада ў Нёмане стала жоўтай ад змытага пяску, а лініі берагоў дэфармаваліся.
Чытайце таксама:
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…