Пасярэдзіне - Максім Філатаў. Фота: "Прынёманскія весткі"
Суддзя Лідскага раёна Максім Філатаў трапіў у чацвёрты пакета санкцый Еўрасаюза супраць беларускага рэжыму. Ён вядомы тым, што асудзіў на пяць гадоў Вітольда Ашурка, які пасля памёр у шклоўскай калоніі. Філатаў - адзіны прадстаўнік Гродзенскай вобласці, які трапіў пад санкцыі.
Максім Філатаў - намеснік старшыні суда Лідскага раёна. Згодна з сайтам zubr.cc, засудзіў лідчан да штрафаў агульным памерам 12 420 рублёў і да 94 сутак адміністрацыйнага арышту.
Суддзя Філатаў асудзіў палітзняволенага Вітольда Ашурка на пяць гадоў пазбаўлення волі па арт.364 КК, судзіў відэаператара Андрэя Фралова. Тры гады калоніі ён прысудзіў былому фельчару хуткай дапамогі і прадаўцу ў «5 элеменце» Алегу Краўцову за актыўныя дзеянні, якія груба парушаюць грамадскі парадак (ч.1 арт. 342 КК) і наўмыснае прывядзенне ў непрыгоднасць транспартнага сродку або шляхоў злучэння (ч. 1 арт. 309 КК). Максім Філатаў прысудзіў тры гады «хатняй хіміі» па крымінальнай справе Яўгена Вінчы, якога вінавацілі ў гвалтоўных дзеяннях альбо пагрозе прымянення гвалту ў дачыненні да супрацоўніка органаў унутраных спраў (арт. 364 КК).
Максіму 41 год. Ён займаецца паўэрліфтынгам. У 2019 годзе прывёз «срэбра» з чэмпіянату свету па паўэрліфтынгу, паведамляе «Лідская газета». У лідскай спартзале, дзе ён займаўся, яму ў заплечнік паклалі экскрэменты, паведаміў адзін Telegram-канал. З-за гэтага ўзбудзілі крымінальную справу.
Даведацца, што Максім Філатаў думае пра санкцыі, пакуль не атрымалася. У прыёмнай Hrodna.life паведамілі, што ён заняты, і папрасілі перазваніць праз гадзіну. Пазней сказалі, што суддзя ўсё яшчэ заняты і «ніякіх каментароў даваць не будзе».
На пасяджэнні ў Люксембургу 21 чэрвеня міністры замежных спраў Еўрасаюза зацвердзілі чацвёрты пасля прэзідэнцкіх выбараў 2020 году ў Беларусі пакет санкцый супраць беларускага рэжыму.
Санкцыйны спіс з 78 чалавек і 8 арганізацый, якім замарожваюцца актывы і забараняецца выдача візаў у Еўрасаюз, апублікаваны ў афіцыйным часопісе Еўрасаюза, такім чынам ён набудзе моц, піша «Радыё С**бода».
У спісе — суддзі, следчыя, пракуроры, дэпутаты, супрацоўнікі дзяржаўных СМІ і прэс-службаў, чыноўнікі, функцыянеры і бізнесоўцы. Поўны спіс можна паглядзець тут.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…