Пратэстоўцы на чале з палітыкам Паўлам Латушкам пачалі акцыю па блакаванні дарогі ў пункце пропуску «Баброўнікі-Бераставіца» на польска-беларускай мяжы. Акцыя пачалася 8 чэрвеня ў 12:30 паводле польскага часу. На яе сабралася некалькі дзясяткаў чалавек.

Удзельнікі пікету пачалі хадзіць па пешаходным пераходзе, не даючы праехаць аўтамабілям. Кіроўца грузавіка, які першым аказаўся заблакаваным, сказаў Hrodna.life, што разумее сітуацыю і гатовы пачакаць.

Пикет на польско-беларусской границе у пункта пропуска "Бобровники-Берестовица", 8 июня 2021 г.
Пікет на польска-беларускай мяжы каля пункта пропуску «Баброўнікі-Бераставіца» 8 чэрвеня 2021 г.
Пикет на польско-беларусской границе у пункта пропуска "Бобровники-Берестовица", 8 июня 2021 г.
Пікет на польска-беларускай мяжы каля пункта пропуску «Баброўнікі-Бераставіца» 8 чэрвеня 2021 г.

Праз дзесяць хвілін пратэстоўцы арганізавалі пяціхвілінны перапынак: за гэты час па дарозе паспела праехаць пяць грузавікоў і адна легкавая машына. Ля дарогі арганізавалі невялікі канцэрт, рыхтавалася прэс-канферэнцыя.

Павал Латушка на прэс-канферэнцыі паказаў патрабаванні ўдзельнікаў пікету да Савету міністраў Беларусі: адмяніць усе абмежаванні на перасячэнне мяжы і забяспечыць грамадзянам Беларусі канстытуцыйнае права свабодна падарожнічаць. Пасля размовы з журналістамі Латушка накіраваўся да пункта пропуску, каб перадаць патрабаванні беларускім памежнікам.

Намётавы мітынг каля мяжы, ініцыяваны камандай Народнага антыкрызіснага кіравання на чале з Паўлам Латушкам, пачаўся 5 чэрвеня. Акцыя ўзгоднена з мясцовымі ўладамі, за яе правядзеннем сочыць паліцыя. Патрабаваньне пікетоўцаў: паскорыць прыняцце Еўрасаюзам санкцый супраць беларускіх уладаў. Таксама яны патрабуюць ад уладаў Беларусі вызвалення палітвязняў і адкрыцця наземных межаў для свабоднага выезду з краіны. Латушка заяўляў, што калі патрабаванні не будуць выкананыя на працягу трох дзён, удзельнікі пачнуць блакаваць рух.

Пікет на польска-беларускай мяжы: пратэстоўцы заблакавалі дарогу, Латушка перадаў патрабаванні Саўміну
Пікет на польска-беларускай мяжы: пратэстоўцы заблакавалі дарогу, Латушка перадаў патрабаванні Саўміну
Пікет на польска-беларускай мяжы: пратэстоўцы заблакавалі дарогу, Латушка перадаў патрабаванні Саўміну
Пікет на польска-беларускай мяжы: пратэстоўцы заблакавалі дарогу, Латушка перадаў патрабаванні Саўміну
Пікет на польска-беларускай мяжы: пратэстоўцы заблакавалі дарогу, Латушка перадаў патрабаванні Саўміну
пикет у границы бобровники 03
Пікет на польска-беларускай мяжы: пратэстоўцы заблакавалі дарогу, Латушка перадаў патрабаванні Саўміну

Рэпарцёр, фатограф, краязнаўца. Самы хуткі журналіст Гродна на ровары. Руслана і яго ровар ведаюць многія гараджане: ад чыноўнікаў да бамжоў. Падчас службы ў войску быў разведчыкам, а цяпер даказвае, што выведнік былым не бывае. Працуе ў Hrodna.life з 2013 года, калі сайт яшчэ працаваў пад брэндам «Твой стыль». У канцы 2018 выдаў кнігу «Горад адзін, успаміны розныя», дзе сабраў успаміны гродзенцаў пра 1930−40-я гады.