Новости

Аэравакзал за $ 40. З аўкцыёну прадалі самы вялікі занядбаны будынак Гродна

Недабудаваны аэравакзал у Абухаве пад Гродна 20 траўня змяніў уласніка. Гродзенскі бізнесмен купіў комплекс будынкаў у 15 км ад горада за 185 рублёў. Ён быў адзіным удзельнікам аўкцыёну. Іншых ахвочых набыць аэравакзал не знаходзілася 11 гадоў.

Купіў вакзал. Навошта — пакуль не ясна

За 11 гадоў кошт аэравакзала змяняўся ад 23 млн недэнамінаваных рублёў у 2010 годзе да 1 базавай велічыні (21 рубель) у 2016. У 2020 цана самага вялікага занядбана Гродна склала 185 рублёў. Гэта шэсць базавых велічынь (174 рублі) і нацэнка ў 5% праз адсутнасць канкурэнтаў на таргах. З адзіным пакупніком адразу заключылі дамову куплі-продажу.

Новы ўласнік — уладальнік буйной гандлёва-лагістычнай кампаніі. Магчыма, набыты комплекс будынкаў выкарыстаюць у лагістыцы паветраных перавозак.

«Кажучы па-простаму — мы яшчэ не ведаем, што рабіць з гэтым будынкам, — прызнаўся новы ўладальнік аэравакзала журналісту „Вячэрняга Гродна“. — Спачатку трэба зрабіць яго абследаванне, каб разумець, у якім тэхнічным стане ён знаходзіцца. Нам трэба ведаць, ці можна з ім праводзіць рэканструкцыю, ці трэба зусім зносіць, таму ад вынікаў абследавання будзе залежаць далейшае рашэнне па аб’ёме і будаўніцтве гандлёва-лагістычнага цэнтра (ТЛЦ)».

Па ўмовах таргоў, мэтавае прызначэнне аб’екта можна змяніць. Тут можна пабудаваць аб’ект адміністрацыйна-гаспадарчага прызначэння ці гасцініцу.

Праз спецыфічную архітэктуру і аддаленасць ад горада аэравакзал доўга заставаўся неліквідам. У розныя гады пабудовы прапаноўвалі выкарыстоўваць пад конна-спартыўны цэнтр, транспартна-лагістычны цэнтр, скаладром і нават проста — разабраць на будматэрыялы.

Што далей

Разам з будынкам аэравакзала новы ўладальнік атрымаў зямельны ўчастак плошчай 1,14 гектара ў арэнду на 51 год. Перапрадаваць аб’ект да заканчэння будаўніцтва забаронена.

Аэравакзал каля Абухава пачалі будаваць у 1985 годзе. З вышыні форма будынка нагадвае птушку з раскінутымі крыламі. Такой была творчая задумка савецкіх архітэктараў. Да пачатку 1990-х паспелі пабудаваць 9-павярховы адміністрацыйны корпус на 18,5 тысяч квадратных метраў, залы чакання і эстакады. Правялі электракамунікацыі і вадаправод, пачалі ўстаўляць вокны. З развалам СССР будаўніцтва замарозілі.

За два гады неабходна распрацаваць праект рэканструкцыі, за чатыры — увесці будынак у эксплуатацыю. Прадпрымальніцкую дзейнасць трэба пачаць не пазней за паўгода пасля ўводу ў эксплуатацыю і весці не менш за тры гады.

Чытайце таксама: 16 суднаў. Якімі самалётамі валодае авіякампанія з Гродна

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025