Навіны

Драмтэатр забараніў юбілейную выставу танцораў. Вікторыя Бальцар прэзентавала яе ў Цэнтры гарадскога жыцця

Выставу «Танцтэатр у тэатры» ў Цэнтры гарадскога жыцця адкрылі 12 сакавіка перфомансам балетмайстра Гродзенскага драмтэатра Вікторыі Бальцар. Выстава прысвечана 25-годдзю танцтэатра «Галерэя». Напярэдадні юбілею калектыву Вікторыя даведалася, што з ёй не працягваюць кантракт. Правесці выставу ў памяшканні тэатра забаранілі.

Вернісаж распачаўся ў 21.40 з перформансу балетмайстра. «Афіцыйна наш працоўны дзень у драмтэатры сканчаецца ў 21.40. Таму кожны раз [калі акторы праводзілі імпрэзы у Цэнтры — Hrodna.life] мы пісалі тлумачальныя лісты, чаму адсутнічаем у наш працоўны вечаровы час. Сёння мы вырашылі сабрацца пасля гэтай гадзіны», — патлумачыла Вікторыя Бальцар выбар часу мерапрыемства.

Вікторыя Бальцар. Працавала балетмайстаркай у Гродзенскім драмтэатры 25 гадоў. Зараз з ёй не працягваюць працоўны кантракт

«У гэтай выставе — ўсё жыццё. Ад 96-га года да апошняй пастаноўкі»

Гледачам прадставілі спектакль пад назвай «XXL». «Мне здалося, што гэтая харэаграфія тут [у памяшканні Цэнтра — Hrodna.life] канцэптуальна цікавая. Людзі прыходзяць сюды і я знаходжуся сярод іх, а не ў вялікай зале. Я паказала, што ў ва мне адкрываецца. Я здымаю простую абалонку, а там, унутры ў кожнага з нас, шмат усялякага».

Чытай яшчэ: «Осталось сыграть два спектакля». Гродненский драмтеатр не продлил контракт с актрисой Оксаной Пликус

Вікторыя Бальцар, перформанс XXL у Цэнтры гарадскога жыцця

«Танец — выдатна. Забарона мастацтва — абсурд»

«Цэнтр гарадскога жыцця — адзіная незалежная пляцоўка ў горадзе. Калі адміністрацыя драматэатра забараніла праводзіць выставу, вырашылі зрабіць гэта тут. Нягледзячы на тое, што мы жывем у стане пастаяннай забароны, трэба шукаць пазітыўныя моманты. Яны ёсць у мастацтве. Танец — гэта выдатна. Забараніць мастацтва — гэта абсурд», — распавяла Hrodna.life куратарка выставы Ірына Варкулевіч.

Ірына Варкулевіч. куратарка выставы «Танцтэатр у тэатры»

«Дуэт Аляксандра Цебянькова і Вікторыі Бальцар першым у Гродне пачаў танцаваць кантэмпарары. Яны паказалі, што танец — гэта не тое, што ты бачыш, а тое, што адчуваеш. У танцы Вікторыі я пабачыла рэтраспектыву ўсяго, што было, а таксама і саму Вікторыю, якой яе ведаю», — расказала Hrodna.life глядачка Іна Максімчык.

31 сакавіка ў Вікторыі Бальцар сканчаецца працоўны кантракт з драматэатрам. Балемайстру паведамілі, што падаўжаць кантракт адміністрацыя не будзе. Патлумачыць рашэнне кіраўніцтва адмовілася.

Вікторыя Бальцар, элемент перфомансу XXL

Пабачыць выставу можна ў Цэнтры гарадскога жыцця да 18 сакавіка.

Чытай яшчэ:

Апошнія запісы

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025