“Ну не свінні, га?” Алесь Сураў прадставіў у Гродне выставу “У краіне сала”

Выставу, прысвечаную сімвалу 2019 года – свінні, прадставіў гродзенцам мастак Алесь Сураў 26 снежня у Цэнтры гарадскога жыцця. “Чым далей на гэту тэму задумваўся, тым больш самому рабілася страшна. Спачатку маляваў свіней, потым свіней і людзей. Потым людзей у выглядзе свіней”, – распавёў мастак. Ажно, кажа Сураў, пад канец і сам заблытаўся, хто ёсць хто ў нашым грамадстве.

"Ну не свінні, га?" Алесь Сураў прадставіў у Гродне выставу “У краіне сала”

“Бывае, дома – добры, харошы чалавек. Прыходзіць на працу і становіцца свіннёй. Ці наадварот. Во хакейсты – набудавалі ім столькі палацаў, а яны нічога не выйграюць – ну не свінні, га? Усё так”.

У кожным малюнку можна “ўбачыць падвох”, кажа Сураў. Але яго меркаваннем, галоўнае не гэта. “Вось нядаўна мы тут разважалі пра брэнды. Я не хачу, напрыклад, украінцам аддаваць брэнд, што толькі яны могуць рабіць сала. З халеры? Іх – сланечнікавы алей і жыта. А мы заўсёды ціха расцілі свіней, ціха рэзалі і потым ціха елі”.

Са словаў Сурава, каб маляваў далей, то яшчэ больш было б філасофскіх рэчаў са свіннямі. “Зразумеў, што гэта таксама брэнд, каторы не трэба аддаваць. Наш брэнд, чаму не?”

Адкрываючы выставу, мастак падзякаваў Цэнтру гарадскога жыцця за падтрымку ў арганізацыі выставы:  “Думаю, што нікуды з гэтымі свіннямі больш бы не ўлез, апроч як у які-небудзь хлеў”.

Падчас Калядаў, меркаваннем Сурава, усе павінны гуляць і адзін аднаго віншаваць. “Тым, у каго ўсё здарылася, можна есці. У каго не здарылася, можна пастаяць, але можна і паграшыць. Так што частуйцеся госцікі дарагія, сала е!”

 

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Каментары

Spelling error report

The following text will be sent to our editors: