Каля ўнівермага на вул. Савецкай у Гродне 23 студзеня затрымалі трох жанчын, паведамілі Hrodna.life некалькі крыніц.
“Крыкнулі “Жыве Беларусь!”. Праз пару хвілін прыехалі і забралі”, — напісалі відавочцы аб тым, што здарылася каля 15.40.
Пазней паведамілі таксама аб затрыманні трох жанчын каля МЦ “Гродна”.
23 студзеня ланцугі і маршы салідарнасці таксама праходзяць у Мінску. Таксама ў гэты дзень людзі выходзяць на пратэсты ў Расеі ў салідарнасць з арыштаваным на 30 дзён Аляксеем Навальным.
