Каранік: у Гродне завялі адну крымінальную справу па скаргах на сілавікоў

Начальник управления культуры Гродненского облисполкома Елена Климович, Владимир Караник, директор драмтеатра Игорь Гедич

У Гродне завялі крымінальную справу па скаргах на збіццё сілавікамі. Пра гэта старшыня Гродзенскага аблвыканкама Уладзімір Каранік паведаміў падчас сустрэчы 22 верасня з акцёрамі драмтэатра, калі тыя скардзіліся, што ніводнай крымінальнай справы на сілавікоў не завялі. Запіс размовы трапіў у рэдакцыю Hrodna.life.

— Наш артыст быў збіты 10 жніўня! <…> І ніводнай крымінальнай справы не завялі! — казалі акцёры падчас сустрэчы 22 верасня.

— Я вам скажу, што завялі адну крымінальную справу, — адказаў на гэта Уладзімір Каранік.

Чытайце падрабязней: «Давайте два года на Конституцию, а потом всё будет хорошо». О чем говорил Владимир Караник в Гродненском драмтеатре после остановки спектакля

Пра дэталі справы Уладзімір Каранік не распавёў. Атрымаць каментар у прэс-службе ўпраўлення Следчага камітэта па Гродзенскай вобласці Hrodna.life не ўдалося. Раней у ведамстве адмаўляліся даваць каментары па справах, узбуджаных пасля пратэстаў. «Калі будзе неабходнасць і мы не будзем шкодзіць следству, мы будзем зацікаўлены даць каментар», — паведамлялі Hrodna.life у СК.

На 19 жніўня ў Беларусі было зафіксавана больш за 100 зваротаў аб прымяненні гвалту з боку сілавікоў і 15 — да сілавікоў з боку пратэстоўцаў. Праваабаронцы паведамілі пра 200 збітых у Гродне. Па іх словах, толькі кожны трэці звярнуўся са скаргамі, паколькі людзі баяцца пераследаў.

Таксама вядома, што ў Гродне завялі крымінальную справу па факце ўдзелу невысветленых асоб у масавых беспарадках. Гродзенцаў пачалі выклікаць у праваахоўныя органы ў якасці сведак. Справа заведзеная па артыкуле 342 КК — «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». Яе расследуе Следчы камітэт па Гродзенскай вобласці.

Чытайце таксама: Правозащитники: в Гродно не завели уголовных дел за избиение протестующих силовиками