Пікет даверанай асобы Святланы Ціханоўскай ў Навагрудку, 01.08.2020
Сустрэча выбарцаў з даверанай асобай кандыдата ў прэзідэнты Святланы Ціханоўскай прайшла ў Навагрудку 1 жніўня. Фота ў рэдакцыю даслаў чытач Hrodna.life Дзмітрый Солтан.
Мітынг адбыўся на гарадскім стадыёне «Камсамолец». На сустрэчу, якая пачалася ў 16.00 і доўжылася 1,5 гадзіны, сабралася каля 800 чалавек.
Арганізатары мітынгу казалі няшмат: пра новыя выбары, сістэму «Голас», пра тое, што неабходны змены ў краіне. З большага, казалі самі людзі, якім давалі магчымасць выступіць: ад працоўных да паэтаў. Многія выступалі па-беларуску. Людзі казалі не толькі тое, што ім баліць, але і пра краіну, якую хочуць бачыць у будучыні.
«Асабліва запомніўся выступ маці-гераіні, у якой дзевяць дзяцей, і яна жадае новай Беларусі, каб усе яе дзеці заставаліся на сваёй Радзіме і жылі ў годнай, заможнай і свабоднай Беларусі», — расказаў Hrodna.life Дзмітрый Солтан.
Больш за месяц таму, 21 чэрвеня, у Навагрудку адбываліся жорсткія затрыманні людзей, якія выйшлі на вуліцы ў знак салідарнасці. Людзей хапалі на вуліцы міліцыянты і людзі ў цывільным, якія не тлумачылі, за што затрымліваюць. Акцыі салідарнасці ў тыя дні адбываліся таксама ў Гродне ды іншых гарадах.
"Пяльменная 1961" пачала працу на Савецкай, 23 у суботу, 22 лютага. Установа адкрылася на тым…
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…