У сувязі з эпідэмічнымі абставінамі сёлетні аздараўленчы сезон для школьнікаў пачнецца пазней. Летнікі ў ваколіцах Гродна пачнуць працаваць ад 1 ліпеня. Пра гэта журналістам паведаміў старшыня гарвыканкама на сустрэчы ў дзіцячым хоспісе 9 чэрвеня.
Сёлета гродзенскіх дзяцей прымуць"Бярозка", «Зорька», некалькі лагераў у Азёрах, а таксама школьныя аздараўленчыя лагеры.
Плануецца, што пастаянныя супрацоўнікі летнікаў будуць працаваць «вахтамі». Такія меры прадугледжаны, каб мінімізаваць небяспечныя кантакты па-за межамі лагераў.
Чытайце таксама: Маска ў кішэні. Як мы перасталі баяцца каранавіруса і чаму ў гэтым няма нічога добрага
У лагеры «Зорька» на Юбілейным возеры ў гэтым сезоне з’явілася два новыя корпусы. Яны змогуць прыняць дадаткова па 30 дзяцей у кожную з чатырох зменаў.
Па словах старшыні гарвыканкама, сродкі на іх будаўніцтва зарабілі на суботніках. Новыя карпусы маюць ацяпленне і могуць выкарыстоўвацца нават зімой.
У «Зорьке» пабудовы пройдуць тэставанне. Калі яно пакажа добрыя вынікі, такія ж карпусы пабудуюць для аднаўлення закрытых раней летнікаў паблізу Гродна. Найперш Мечыслаў Гой казаў пра адбудову лагера ў Пышках ад прадпрыемства «Белкард».
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…