Жыхары Гродна апазналі міліцыянта, які аказаўся на зямлі падчас патасоўкі на пікеце Святланы Ціханоўскай 29 траўня. Ім аказаўся старшы ўчастковы інспэктар грамадскага пункту аховы парадку № 2 (Ленінскі раён Гродна) старшы лейтэнант міліцыі Уладзімір Казлоўскі.
Падчас мітусні на Савецкай плошчы, калі гродзенцы хацелі абараніць блогера Сяргея Ціханоўскага ад «жанчын-правакатарак», малады міліцыянт аказаўся на зямлі. Ён ляжаў, пакуль да яго не падышлі людзі ў цывільным адзенні і не дапамаглі сесці на лаву. Неўзабаве пасля гэтага інцыдэнту Ціханоўскага затрымалі апамаўцы, разам з ім затрымалі яшчэ больш за 10 чалавек.
З’явілася відэа, як чалавек у скураной куртцы акуратна кладзе міліцыянта на зямлю. Гродзенец Яўген Разнічэнка расказаў С**бодзе, што гэта ён быў у эпіцэнтры падзей. Па словах Яўгена, супрацоўнік унутраных органаў сам упаў на яго, бойкі не было. Гродзенец проста падтрымаў участковага, каб той не ляснуўся аб зямлю. 30 траўня яго затрымалі.
30 траўня стала вядома, што заведзеная крымінальная справа за гвалт у дачыненні да двух супрацоўнікаў унутраных спраў. Артыкул прадугледжвае да 6 гадоў пазбаўлення волі.
Інтэрнэт-карыстальнікі звярнулі ўвагу на супярэчнасць. Міліцыянт, калі ўпаў, ляжаў амаль выпрастаны, а потым, як сядзеў на лаве, схіліўся і трымаўся за жывот.
Hrodna.life паведамляў праз некалькі гадзін пасля інцыдэнту, што ў міліцыянта ўдар пярэдняй брушной сценкі, яго не шпіталізавалі. Таксама да лекараў звярнуўся другі нібыта пацярпелы міліцыянт, яму шпіталізацыя не патрабавалася.
Аднак ужо назаўтра, 30 траўня, МУС паведаміла, што абодва міліцыянты ляжаць у шпіталі. Як стала вядома С**бодзе, яны ляглі ў шпіталь не адразу пасля інцыдэнту, а праз нейкі час.
Гродзенцы расказалі С**бодзе, у якіх справах раней быў заўважаны міліцыянт Уладзімір Казлоўскі.
«Крыга» — нефармальная культурная пляцоўка Гродна, дзе ладзіліся выставы, дыскусіі, прэзэнтацыі кніг. Усяго за 8 гадоў прайшло каля 100 імпрэзаў. Гэта быў беларускамоўны асяродак. У 2017 годзе ўлады выказалі незадаволенасць тым, што ўласнік галерэі Юрась Мацко зрабіў незаконную перапланіроўку: закрыў гіпсакардонам вакно і ўставіў дзверы ў памяшканні. Пазней два пакоі «Крыгі» апячаталі і забаранілі туды ўваход. У 2018 годзе «Крыга» закрылася. Ёй на змену прыйшоў «Цэнтр гарадскога жыцця», які першапачаткова месціўся ў памяшканні побач.
Калі ўпершыню ў «Крыгу» прыйшла камісія ў складзе супрацоўнікаў ЖЭС і міліцыянтаў, сярод іх быў і Уладзімір Казлоўскі.
За месяц да візіту камісіі ў «Крыгу» у гэтым жа памяшканні ладзіўся выступ расійскага філосафа-анархіста Пятра Рабава. Падчас лекцыі ў галерэю ўвайшлі міліцыянты і затрымалі каля 20 чалавек. Сам Рабаў атрымаў 6 сутак арышту за дробнае хуліганства і распаўсюджванне «экстрэмісцкай» інфармацыі. Іншых удзельнікаў сустрэчы неўзабаве адпусцілі.
Адзін з затрыманых расказаў, што падчас ягонага апытаьня прысутнічаў Уладзімір Казлоўскі.
«Вадзіў нас па аддзяленні. З маіх назіраньняў, у яго [Казлоўскага] была роля прыслугі: адвядзі, прывядзі, выправадзі. Стаяў, маўчаў», — падзяліўся ўражаннямі суразмоўца.
Пасля затрымання сябра АГП Васіля Палякова за тое, што ён разгарнуў бел-чырвона-белы сцяг пасля дазволенага мітынгу, беларусы пачалі інтэрнэт-пікет. Яны рабілі фота з нацыяналным сьцягам і падпісвалі яго «Такія, як Васіль». Жыхарка Гродна Вольга Верамеенка аказалася сярод тых, каго выклікалі ў міліцыю за ўдзел у акцыі. Яна расказала С**бодзе, што яе апытваў Уладзімір Казлоўскі.
«Ставіўся паважліва, без негатыву. Нейкай адмоўнай рэакцыі ў мяне не выклікаў. Так, звычайны вінцік. Трохі нерваваўся, можа, гэта першыя былі пратаколы на актывістаў. Казаў, што яму загадалі, ён тут ні пры чым, „вы ж разумееце“. Сяржук [муж Вольгі] яму лекцыю прачытаў, то ён стараўся хутчэй усё зрабіць і адправіць нас», — расказвае Вольга.
У выніку Вольгу апраўдалі па гэтай адміністратыўнай справе.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…