У Цэнтр гарадскога жыцця 9 кастрычніка на сустрэчу з расійскім гісторыкам, філосафам і даследчыкам анархізму Пятром Рабавым брутальна ўварваўся АМАП, перадае «Вясна».


Затрыманых вызвалілі каля 21.35, апошнім выпусцілі Пятра Рабава. Усім інкрымінуюць удзел у несанкцыянаваным масавым мерапрыемстве. Пазней напішам падрабязнасці.


Пад час сустрэчы была запланаваная лекцыя Пятра Рабава «Лібертарная сацыяльная думка апошняй траціны XX — пач. XXI cтст.». Аднак, міліцыя затрымала каля 20 чалавек, у тым ліку і лектара. Зараз вядома, што ўдзельнікаў мерапрыемства дастаўляюць у РУУС.

Увечары Пётр Рабаў меў там жа прачытаць лекцыю «Нефармальны рух у Беларусі ў 1991 — 2010 гг.»

Заўтра аналагічная лекцыя планавалася ў Баранавічах.

Пётр Рабаў працуе ў Маскоўскім педагагічным дзяржаўным універсітэце, даследуе гісторыю думкі анархізму.

Арандатар памяшкання Павел Мажэйка распавёў Hrodna.life, што з расійскім гісторыкам ён каля 16:00 павітаўся і сышоў з «Цэнтра», а калі вярнуўся, то ўбачыў супрацоўнікаў АМАПа.

«Людзей, якія прыйшлі паслухаць лекцыю сталі абшукваць, або правільней сказаць аглядаць, — распавяде Павел. — Правяралі сумкі, а пасля людзей павезлі, а вось куды невядома. Забралі прыблізна чалавек дваццаць. Пасля АМАПа прыехала апергруппа, якая запрасіла панятых і апісала ўсё ў памяшканні, а таксама ўзялі у мяне паказанні наконт лекцыі і ўсяго таго, што адбываецца ў памяшканні».

АМАП сарваў сустрэчу з гісторыкам і філосафам Пятром Рабавым у Гродне (абноўлена)
Журналіст Hrodna.life патрапіць у памяшканне Цэнтра ўжо не змог.