Навіны

У Гродне затрымалі блогера Сяргея Ціханоўскага

Блогера Сяргея Ціханоўскага затрымалі на перадвыбарчым пікеце ў Гродне 29 траўня, каля 20.00.

Удзельнікі пікета расказалі, што адбылася правакацыя, пасля чаго Ціханоўскага забралі, верагодна ў РАУС. Пакуль невядома ні куды яго дакладна завезлі, ні якая была падстава для затрымання.

Ціханоўскага затрымлівалі супрацоўнікі АМАПу. Пасля затрымання яны пачалі ўцякаць ад абураных людзей і схаваліся ў сваім аўтобусе.

«Радыё С**бода» паведамляе, што невядомыя жанчыны, якіх сведкі называлі правакатаркамі, кідаліся на блогера і спрабавалі трымаць яго за вопратку. Яны патрабавалі, каб Ціханоўскі адказаў, чаму ў Гродне няма яго жонкі. Ціханоўскі намагаўся сысці ад жанчын, якія хапалі яго за вопратку. Пасля гэтага з’явілася міліцыя.

Супрацоўнікі паспрабавалі затрымаць Ціханоўскага, у выніку чаго адзін з іх паваліўся на зямлю. Літаральна праз 30 секундаў прыбеглі АМАПаўцы і пачалі хапаць Сяргея Ціханоўскага.

Разам з Сяргеем Ціханоўскім затрыманыя яшчэ як мінімум двое чалавек. Сярод іх — Дзмітрый Фурманаў, давераная асоба Ціханоўскай, які кіруе ініцыятыўнай групай у Гродзенскай вобласці.

Некаторыя ўдзельнікі сустрэчы пайшлі да абласнога будынку міліцыі вызваляць затрыманага.

Пад будынкам абласной міліцыі сабралася каля 100 чалавек. Адзін з удзельнікаў пікету Мікалай Салянік размаўляе пра затрыманне Ціханоўскага з палкоўнікам Аляксандрам Шастайлам, першым намеснікам начальніка УУС аблвыканкама, начальнікам крымінальнай міліцыі.

Паводле інфармацыі Саляніка, усяго затрымана 10 чалавек.

Падзяліцца

Апошнія запісы

6000 рублёў у месяц можна зарабляць з базавай адукацыяй: спіс вакансій

У Гродне ёсць амаль 600 працоўных месцаў, дзе хопіць базавай адукацыі (9 класаў). Зарабляць там…

29 сакавіка 2025

Улады: гродзенцы за суткі выкупілі кватэры ў новабудоўлі ў Грандзічах

"Гроднажылбуд" 27 сакавіка апублікаваў навіну аб выстаўленні на продаж кватэр у 18-павярховай новабудоўлі ў Грандзічах.…

28 сакавіка 2025

У Гродне адкрылася кафэ «Буржуйка» з абедамі навынас

Кафэ “Буржуйка” з абедамі навынас адкрылася па вул. Ткацкая, 14 у (раён Ласосна). Па цане…

28 сакавіка 2025

У Гродне менш за 10% вуліц патрабуюць пільнага перайменавання. Якія назвы найчасцей сустракаюцца ў Гродне?

Усяго 8% назваў вуліц Гродна звязаны з савецкімі і расійскімі вайсковымі дзеячамі і камуністамі, якія…

28 сакавіка 2025

У гродзенскім ЦУМе адкрываюць кафэ Grand Bistro. Гродзенцы незадаволеныя, што няма інфармацыі

Кафэ хуткага харчавання Grand Bistro адкрываюць на чацвёртым паверсе ЦУМа на Савецкай, 18, дзе раней…

28 сакавіка 2025

«Магчымыя адзінкавыя выпадкі міграцыі». Адміністрацыя TRINITI пачала апраўдвацца за прусакоў

Тэкст пра "меры для падтрымання чысціні" ў гродзенскім ТРК Triniti з'явіўся на NewGrodno. Падобна, ім…

28 сакавіка 2025