1 жніўня Святлана Ціханоўская правядзе пікет у Гродне. Яна рыхтуе асаблівы зварот да гродзенцаў, якія прысутнічалі пры затрыманні яе мужа — Сяргея Ціханоўскага. Аб гэтым расказалі Hrodna.life 30 ліпеня на анлайн-сустрэчы Прэс-клуба з аб’яднаным штабам кандыдата.

— Еду ў Гродна з асаблівымі пачуццямі, — сказала Hrodna.life Святлана. — Хоць Сяргея маглі затрымаць у любым горадзе — проста так супала.

Яна плануе звярнуцца да жыхароў Гродна, якія «спрабавалі дапамагчы Сяргею у той сітуацыю» і пацярпелі з-за гэтага. «Асаблівы зварот будзе», — сказала Святлана.

У Гродне прайшлі тры пікеты за Святлану Ціханаўскую. Яны збіралі да 1 500 чалавек.

Што адбылося ў Гродне ў дзень візіта Ціханоўскага?

У Гродне затрымалі палітычных актывістаў. Увечары 29 траўня на пікеце падчас збору подпісаў за Святлану Ціханоўскую адбыўся інцыдэнт, у выніку якога блогера Сяргея Ціханоўскага і некаторых яго прыхільнікаў затрымала міліцыя. Сярод затрыманых — сябра ініцыятыўнай групы Дзмітрый Фурманаў. Удзельніцу верагоднай правакацыі супраць Ціханоўскага апазналі ў сацсетках.

Затрыманні працягнуліся на наступны дзень. 30 траўня затрымалі актывіста Мікалая Саляніка, які днём раней вёў перамовы з кіраўніцтвам міліцыі і спрабаваў даведацца, за што быў затрыманы і дзе знаходзіцца Ціханоўскі. Праваабарончы цэнтр «Вясна» склаў спіс затрыманых у Гродне. Частку з іх перавезлі ў Мінск.

Гэта не спыніла ініцыятыўную групу Ціханоўскай. Афіцыйна было заяўлена, што падчас інцыдэнту пацярпеў міліцыянт. Узбуджаная крымінальная справа па факце гвалту ў адносінах да супрацоўнікаў органаў унутраных справаў. Нягледзячы на ​​гэта, на наступныя дні да пікету Святланы Ціханоўскай выстраіліся чэргі — людзі стаялі, каб аддаць подпіс, нават пад дажджом.

Праваабаронцы прызналі Сяргея Ціханоўскага і іншых затрыманых у Гродне палітычнымі вязьнямі.

У выніку пад удар патрапілі і выпадковыя людзі. Увечары 29 траўня ў сацсетках пачалося цкаванне выпадковага чалавека, якога прынялі за супрацоўніка органаў у цывільным, які ўдзельнічаў у затрыманні ў Гродне. У дзяржаўных СМІ з другога боку пачалося цкаванне 81-гадовай пенсіянеркі Галіны Філіпаўны, якая падчас стрыму з Савецкай плошчы выказалася супраць Лукашэнкі і ў падтрымку Ціханоўскіх. Пенсіянерку Станіславу Дамшэль, якая 29 траўня таксама была на Савецкай, абвінавацілі ў дробным хуліганстве, але яна не пусціла міліцыю да сябе дадому. Выпадковыя людзі былі і сярод затрыманых на плошчы.

Пішу пра людзей з інваліднасцю, актывістаў, палітыкаў і дабрачыннасць.

Сотні гродзенцаў 29 мая прыйшлі на Савецкую плошчу, каб сустрэцца з блогерам Сяргеем Ціханоўскім і падтрымаць вылучэнне яго жонкі ў прэзідэнты Беларусі.

Яшчэ да прыезду Ціханоўскага ў Гродна па телеграм-каналах разышлася інфармацыя, што разам з ім прыедзе яго жонка Святлана — прэтэндэнт у кандыдаты ў прэзідэнты Беларусі. Але замест жонкі блогер прывёз яе кардонныя фігуры.

«Гродна — гэта першы горад у Беларусі, куды мы прывезлі выяву Святланы. А калі сур’ёзна, то мы і Лукашэнку на вуліцах не бачым. Кандыдаты на этапе збору подпісаў ініцыятыўнымі групамі рэдка дзесьці бываюць. Ёсць прадстаўнікі, якія могуць біяграфію расказаць.
Агітаваць і праграму распавядаць цяпер нельга. Фатаграфаваць? Пакуль гэтую функцыю я выконваю».

Блогер адзначыў, што жонку яго на пікетах пакуль не варта чакаць. Каманда «Страна для жизни» рыхтуе прэс-канферэнцыю з яе ўдзелам.

«Цяпер мы збіраем подпісы. Учора былі ў Гомелі, там было каля 5000, прыкладна столькі ж было і ў Мінску. У Магілёве крыху менш, ну і ў райцэнтрах таксама менш. Калі мы прыязджаем, менш за тысячу подпісаў мы не збіралі».

У Гродне на сустрэчу з Ціханоўскім прыйшло некалькі сотняў чалавек. У рэгіёне зарэгістравалі самую маленькую ініцыятыўную групу Ціханоўскай — 5 чалавек.

«Столькі людзей на ўсю вобласць і мы нікому не плацім грошы за подпісы. А калі нехта так кажа, то гэта хлусьня. Гэтыя людзі колькі могуць, столькі і збіраюць. Раз тут менш за ўсё чалавек у ініцыятыўнай групе, значыць сюды будзем часцей прыязджаць і сустракацца з людзьмі, каб яны маглі паставіць подпіс за сумленныя выбары без Лукашэнкі».

Каля 20.00 Сяргея Ціханоўскага затрымала міліцыя.

Выбары прэзідэнта Беларусі пройдуць 9 жніўня. На дадзеным этапе кампаніі зарэгістраваныя ініцыятыўныя групы 14 кандыдатаў. Hrodna.life пагутарыў з гродзенцамі і спытаў пра іх стаўленне да маючых адбыцца выбараў.

Чытайце таксама:

«Мы хотим перемен». Гродненцы стояли под дождем, чтобы подписаться за Тихановскую

«Мы просто забыли, что были лучшими». Виктор Бабарико о национальной идее белорусов и фальсификации выборов

«Пришло время ЧЕ?» В Гродно Сергей Черечень рассказал, с чем идет на выборы

«Есть ли козырь в рукаве? Есть!» Валерий Цепкало говорил в Гродно о коронавирусе, фальсификациях и отношениях с Россией

«Если Лукашенко захватит власть на выборах, будет партизанская война». 9 убеждений блогера Тихановского




Рэпарцёр, фатограф, краязнаўца. Самы хуткі журналіст Гродна на ровары. Руслана і яго ровар ведаюць многія гараджане: ад чыноўнікаў да бамжоў. Падчас службы ў войску быў разведчыкам, а цяпер даказвае, што выведнік былым не бывае. Працуе ў Hrodna.life з 2013 года, калі сайт яшчэ працаваў пад брэндам «Твой стыль». У канцы 2018 выдаў кнігу «Горад адзін, успаміны розныя», дзе сабраў успаміны гродзенцаў пра 1930−40-я гады.