Аляксандр Лукашэнка мае намер да выбараў сфармаваць новы склад урада, піша belta.by.
«Мы заўсёды пасля рэгістрацыі кандыдатаў у прэзідэнты дзейнага прэзідэнта аб’яўлялі новы склад урада. Да выбараў. Гэта было прынцыповае пытанне, каб людзі бачылі, з кім мы будзем працаваць. А не тое, што выбары прайшлі, за цябе прагаласавалі, а там сваякоў, любімых і іншых панапіхваў у гэты ўрад», — патлумачыў Аляксандр Лукашэнка.
Перад выбарамі падрыхтуюць новы склад урада і вырашаць, як будзе фармавацца новы ўрад — «ці само ў адстаўку падае, ці прэзідэнт адпраўляе ў адстаўку».
Аляксандр Лукашэнка адзначыў, што да адпаведных кадравых пытанняў падступаліся яшчэ некаторы час таму, калі Адміністрацыю прэзідэнта ўзначальвала Наталля Качанава. «Пра гэта казалі, і вельмі многіх міністраў мы прызначылі паўгода таму, і ўбачылі іх у справе. Таму настаў час яшчэ раз зірнуць на ўрад, вышэйшых службовых асобаў, якія ў нас ёсць, і па іх таксама прымаць рашэнні. Ці мы з імі працуем, ці перамяшчаем на новую працу», — адзначыў прэзідэнт.
Ён таксама адзначыў, што па не мае прэтэнзій дзеючаму складу ўрада. «Але, зразумела, жыццё ідзе, і перамены гэтыя павінны быць». Лукашэнка даручыў гэтае пытанне кіраўніку Адміністрацыі прэзідэнта Ігару Сяргеенка: «Вазьміце ўсю інфармацыю ў Наталлі Іванаўны (Качанавай). Паўгода таму мы да кожнага чалавека дайшлі і прапрацавалі гэтыя пытанні. Дзесьці адбылася замена, а недзе мы адклалі вось на гэты перыяд» .
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…