Прэзідэнцкія выбары 2020 года будуць праходзіць у асаблівых умовах, заявіла 8 траўня ў парламенце старшыня ЦВК Лідзія Ярмошына. Пасяджэнні выканаўчых камітэтаў па фармаванні камісій пройдуць без назіральнікаў, ці прыедуць міжнародныя эксперты, невядома.
«Яна [выбарчая кампанія — рэд.] будзе вельмі рэзка адрознівацца ад кампаній па выбарах Прэзідэнта, якія праходзілі раней», — цытуе Лідзію Ярмошыну zviazda.by.
Пасяджэння абласных, раённых, гарадскіх выканаўчых камітэтаў па фарміраванні тэрытарыяльных выбарчых камісій будуць праходзіць без запрашэння назіральнікаў, прадстаўнікоў палітычных партый, грамадскіх аб’яднанняў і грамадзян, якія вылучылі свае кандыдатуры. Выканаўчыя органы павінны будуць выкладваць на сваіх старонках у інтэрнэце стрымы з такіх пасяджэнняў або запісы, удакладніла Лідзія Ярмошына.
Зборшчыкаў подпісаў абавяжуць выконваць рэкамендацыі Міністэрства аховы здароўя, ўсіх іх павінны забяспечыць сродкамі індывідуальнай абароны. Тое ж датычыцца і камісій, і назіральнікаў. Па словах Ярмошынай, сродкамі абароны прыйдзецца забяспечваць сябе самастойна альбо самім грамадзянам, якія будуць працаваць у камісіях, альбо тым арганізацыям, якія будуць прымаць у сябе выбарчыя камісіі.
Пакуль невядома, ці прыедуць на выбары ў Беларусь міжнародныя эксперты.
Лідзія Ярмошына адзначыла, што праз пандэмію выбаршчыкі ў жніўні (традыцыйна месяцы адпачынкаў) будуць знаходзіцца ў краіне. «І нават калі яны будуць у гэты перыяд адпачываць, то мы дамо ім усе магчымасці прагаласаваць па месцы адпачынку», — падкрэсліла яна. Напрыклад, студэнты змогуць прагаласаваць па месцы пастаяннага пражывання, людзі, якія ўлетку жывуць на дачах, — у сельсаветах. Пры гэтым яны будуць выключацца са спісаў выбаршчыкаў у гарадах.
Прэзідэнцкія выбары ў Беларусі правядуць 9 жніўня.
Згодна з Выбарчым кодэксам Рэспублікі Беларусь, дакументы для рэгістрацыі ініцыятыўнай групы, якая будзе збіраць подпісы за вылучэнне кандыдата, ён павінен падаць у Цэнтральную камісію не пазней чым за 85 дзён (арт. 61 ВК РБ) — да 15 траўня.
Гэта значыць, што на рэгістрацыю ініцыятыўных груп у будучых кандыдатаў застаўся ўсяго тыдзень. Апазіцыя яшчэ не вызначылася канчаткова з адзіным кандыдатам. Першы этап праймерыз не быў зацверджаны штабам, бо гэтая частка праймерыз не была завершана праз пачатак пандэміі, а на трэці этап ужо няма часу.
Блогер Сяргей Ціханоўскі, аўтар канала «Страна для жизни», аб’яўляў пра сваё жаданне стаць кандыдатам, але цяпер ён затрыманы на 15 сутак. Прадстаўніка, які мог бы падаць дакументы за яго паводле даверанасці, ён не мае, піша t*t.by.
Свой удзел у выбарах экс-дэпутат Палаты прадстаўнікоў Ганна Канапацкая пакуль адназначна не пацьвердзіла. Раней яе выключылі з праймерыз апазіцыі.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…