Раніцай 24 красавіка груз даставілі ў Гродна. Ён павінен падтрымаць беларускую службу аховы здароўя ў барацьбе з каранавірусам. Дапамога была аказана па просьбе беларускага боку.
Адну з шасці машын з гуманітарнай дапамогай выгрузілі ў Гродне ў абласной інфекцыйнай бальніцы. Далей канвой адправіўся ў Воранава і Мінск.
Польшча перадала беларускім медыкам сродкі абароны і прэпараты, у тым ліку 77 590 літраў вадкасці для дэзінфекцыі, 100 000 хірургічных масак і 1000 упаковак прэпарата Arechin.
«На сённяшні дзень гэта самы каштоўны груз. Беларусь папрасіла дапамогі ў Еўрасаюза і Польшча адной з першых адгукнулася.
Польскае МЗС станоўча адказала на ноту амбасады Беларусі. Трэба адзначыць і фонды, якія аказваюць дапамогу, і польскіх пажарных», — расказаў Генеральны консул Польшчы ў Гродне Яраслаў Ксёнжак.
У Facebook міністр-член Савета Міністраў Польшчы, кіраўнік канцылярыі старшыні Савета Міністраў Польшчы, Міхал Дворчык таксама пракаментаваў гуманітарную дапамогу:
«У эпоху пандэміі, якая аказваецца для ўсіх вялікім іспытам, нам патрэбна суседская салідарнасць. У рамках інтэрвенцыйнай дапамогі Польшча накіруе ў Беларусь транспарт дэзінфікуючых сродкаў, масак і медыкаментаў - значная іх частка патрапіць да палякаў у Гродзенскай вобласці».
Польшча — не адзіная краіна, якая цяпер дапамагае Беларусі.
У чацвер падчас гутаркі з Аляксандрам Лукашэнкам прэзідэнт Літвы Гітанас Наўседа прапанаваў дапамогу ў выглядзе медыцынскіх сродкаў для барацьбы з каранавірусам. Раней Беларусь папрасіла ў Еўрасаюза фінансавай дапамогі для барацьбы з пандэміяй каранавіруса COVID-19 і яе наступствамі.
Беларусь у красавіку ўжо двойчы атрымлівала ад Кітая сродкі медыцынскага прызначэння. Таксама Узбекістан перадаў Беларусі дапамогу для барацьбы з каранавірусам.
Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…
