Навіны

Пасля месяца каранціну адкрыўся Кавалерыйскі рынак у Беластоку. Без беларусаў там пуста

Рынак на вуліцы Кавалерыйскай у Беластоку адкрыўся 21 красавіка пасля некалькіх тыдняў перапынку. Прадпрымальнікам удвая знізілі арэнду. Цяпер яны спадзяюцца, што сюды вярнуцца і пакупнікі, перш за ўсё — беларусы.

У першы дзень працы гандляроў было зусім няшмат. Некаторыя, убачыўшы, што наведвальнікаў пакуль няма, зачыняліся і сыходзілі, піша poranny.pl.

21.04.2020. Першы дзень працы Кавалерыйскага рынку ў Беластоку пасля месяца каранціну. Фота: Wojciech Wojtkielewicz, poranny.pl

На рынку цяпер строгія санітарныя нормы: кожны павінен быць у масцы, у кожнага прадпрымальніка — не больш за чатыры кліенты адначасова. Кропкі павінны быць забяспечаны пальчаткамі, апрацоўваць пункты гандлю дэзінфікуючым сродкам трэба раз у гадзіну.

— Я купіў пяць літраў антысептыку, маскі і сто пар пальчатак. Заплаціў 400 злотых, — кажа аб падрыхтоўцы да гандлю Мечыслаў Рыдзэвскі, які прадае на рынку вопратку. Ён разумее, што яго тавар ва ўмовах крызісу не будзе самым хадавым. А яшчэ ён чакае, што рынак усё-такі зробяць крытым, бо цяпер гандаль моцна залежыць ад надвор’я.

Залежыць ён і ад закрытых межаў. Ужо шмат гадоў асноўныя кліенты рынку — жыхары Беларусі. Пакуль яны не змогуць прыехаць па пакупкі, арэнда на рынку будзе зніжана ў два разы.

21.04.2020. Першы дзень працы Кавалерыйскага рынку ў Беластоку пасля месяца каранціну. Фота: Wojciech Wojtkielewicz, poranny.pl

Рынак адкрылі па просьбах некаторых прадпрымальнікаў, распавёў падчас анлайн-канферэнцыі прэзідэнт Беластока Тадэвуш Трускаляскі.

— Частка прадпрымальнікаў хацела вярнуцца на працу, бо гэта іх адзіная крыніца даходу. Не ва ўсіх дзейнасць упіралася ў гасцей з-за ўсходняй мяжы, — патлумачыў прэзідэнт.


Кавалерыйскі рынак працуе штодня з 5.00 да 17.00.

21.04.2020. Першы дзень працы Кавалерыйскага рынку ў Беластоку пасля месяца каранціну. Фота: Wojciech Wojtkielewicz, poranny.pl

Чытайце таксама:

Власти Белостока надеются на аэропорт Гродно. Они думают, что оттуда летают самолеты по всей Европе

У Польшчы аб’явілі план выхаду з каранціну. Гэта можа працягнуцца год, калі не даўжэй

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025