Гегам Кадзімян, Уладзімір Коваль, Уладзіслаў Яцкевіч
Легіянеры футбольнага «Нёмана» Гегам Кадзімян (Арменія) і Уладзімір Коваль (Украіна) пабывалі на сёмым паўфінальным матчы чэмпіянату Беларусі па хакеі «Нёман» — «Шахцёр» і падзяліліся сваім меркаваннем аб паядынку ў Гродне. Таксама футбалісты распавялі, як ім самім гуляць у Беларусі падчас пандэміі каранавіруса.
Калі ўвесь свет імкнецца быць у ізаляцыі, Беларусь застаецца ледзь не адзінай краінай, дзе праходзяць спартыўныя мерапрыемствы з гледачамі. Больш за ўсё заўзятары наведваюць хакейныя і футбольныя матчы. Напрыклад, апошні хакейны матч «Нёман» — «Шахцёр» у Гродне наведала амаль 2,5 тыс. чалавек. У рамках засцярогі з-за пандэміі каранавіруса было вырашана перад гульнёй праверыць заўзятарам тэмпературу і раздаць усім ахоўныя маскі. На хакейным матчы футбалісты «Нёмана» скарысталіся гэтымі паслугамі.
— Я ўпершыню пабываў у Беларусі на хакеі, да гэтага гуляў ва Украіне і не бачыў такога. Сябры запрасілі паглядзець матч. Было вельмі цікава, усё новае для мяне, не чакаў убачыць тут столькі заўзятараў. Проста выдатная падтрымка. Спадзяюся, на футбол прыйдзе яшчэ больш людзей, мы таксама маем патрэбу ў падтрымцы. Са свайго боку магу сказаць, што мы таксама будзем гуляць на перамогу.
Што тычыцца каранавіруса, то ёсць нейкі страх, але сядзець дома гэта таксама няправільна. Вось мы і шукаем нейкі пазітыў, але пры гэтым сочым за асабістай гігіенай і здароўем.
Гегам Кадзімян выказаўся пра правядзенне чэмпіянату ва ўмовах пандэміі і для партала sport24.ru:
— Вядома, нялёгка гуляць у футбол, калі ў свеце дзеецца такі хаос. Нашы думкі з усімі людзьмі, хто змагаецца і спрабуе абараніць свет ад усяго гэтага. Але, як кажуць, футбол — гэта больш, чым проста гульня, гэта жыццё. Таму мы думалі пра тое, каб хоць неяк у жыццё людзей прыўнесці радасць, асабліва тых, хто засумаваў па футболе.
Ад імя футбалістаў жадаю сіл медыкам і лекарам, каб усе адзін аднаго падтрымлівалі, былі салідарныя з усімі людзьмі, трымаліся разам і пакідалі на прылаўках грэчку і туалетную паперу, а пакуль глядзіце далей чэмпіянат Беларусі.
— Я ўпершыню на хакеі і вельмі ўражаны. Але з аднаго боку дзіўна бачыць тут усё такое жывое, калі ў Украіне адмянілі ўсе культурныя і спартыўныя мерапрыемствы. Там сітуацыя жудасная, усе баяцца. Я стараюся рэгулярна тэлефанаваць сваім сваякам і сябрам. У Беларусі пакуль усё стабільна, таму будзем гуляць. Чакаем заўзятараў на матчы, пастараемся іх парадаваць станоўчым вынікам — перамогай.
Матч у Гродне футбольны «Нёман» правядзе 29 сакавіка. Гродзенцы будуць прымаць «Віцебск».
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…