Выставу ў Цэнтры гарадскога жыцця рыхтавалі адмыслова да Дня Волі, які адзначаецца ў Беларусі 25 сакавіка.
На выставе прадстаўлены архіўныя здымкі са святкаванняў Дня Волі ў розныя гады ў Гродне. У якасці бонуса можна пабачыць працы мастака Сяргея Грыневіча.
Панарамная здымка Івана Цыркуновіча
Святкаванні з нагоды 102-іх угодак БНР пачаліся раніцай 25 сакавіка. Грамадскія актывісты ў дворыку на Кірава, 3 зачыталі ўстаўную грамату Рады Беларускай Народнай Рэспублікі. Святкаванні працягнуцца ў Гродне цягам дня. У гэты дзень актывісты плануюць ускласці кветкі да магілаў вядомых беларусаў. А вечарам пройдзе святочны канцэрт у Мінску, за якім гродзенцы змогуць сачыць анлайн.
