Пакуль ва ўсім свеце з-за пандэміі каранавіруса прыпыненыя спартыўныя і культурныя мерапрыемствы, у Беларусі працягваюць праводзіць матчы ў чэмпіянатах па хакеі, футболе і іншых відах спорту. На гэта сталі звяртаць увагу ў розных краінах.

За спартыўнымі мерапрыемствамі ў Беларусі сталі сачыць за акіянам. Спартыўны журналіст з Паўночнай Караліны Майк Салартэ, які спецыялізуецца на амерыканскім футболе, баскетболе і хакеі, у сваіх выпусках у праграме “Sports night” стаў згадваць у рубрыцы “Where in the world is sports?” (“Дзе ў свеце спорт?”) пра матчы чэмпіянату Беларусі па хакеі.

19 сакавіка Майк Салартэ распавёў пра чацвёрты паядынак у рамках плэй-оф паміж гродзенскім “Нёманам” і салігорскім “Шахцёрам”.

А 20 сакавіка Майк распавёў пра матч мінскага “Юнацтва” і “Дынама-Маладзечна”.

На матчы плэй-оф з удзелам “Нёмана” звярнуў увагу яшчэ адзін вядомы амерыканскі журналіст з ESPN Грэг Вышынскі. Цяпер ён заўзее за гродзенскую каманду.

Перадрук матэрыялаў Hrodna.life магчымая толькі з пісьмовага дазволу рэдакцыі. Кантакт info@hrodna.life

Задай пытанне, дашлі заўвагу або прапануй тэму

Рэпарцёр, фатограф, краязнаўца. Самы хуткі журналіст Гродна на ровары. Руслана і яго ровар ведаюць многія гараджане: ад чыноўнікаў да бамжоў. Падчас службы ў войску быў разведчыкам, а цяпер даказвае, што выведнік былым не бывае. Працуе ў Hrodna.life з 2013 года, калі сайт яшчэ працаваў пад брэндам “Твой стыль”. У канцы 2018 выдаў кнігу “Горад адзін, успаміны розныя”, дзе сабраў успаміны гродзенцаў пра 1930-40-я гады.