Пагадненне аб супрацоўніцтве Гродзенскай, Львоўскай і Херсонскай абласцей плануецца падпісаць на Форуме рэгіёнаў Беларусі і Украіны ў Гродне, паведаміў старшыня Гродзенскага аблвыканкама Уладзімір Краўцоў. На мерапрыемстве сустрэнуцца прэзідэнты Беларусі і Украіны.
«Мерапрыемства надасць імпульс развіццю супрацоўніцтва паміж краінамі. У Гродзенскай вобласці, вядома, ёсць свае інтарэсы. Украіна сёння — трэці знешні партнёр вобласці па гандлёвым абароце, які ў мінулым годзе дасягнуў $ 370 млн», — цытуе Уладзіміра Краўцова belta.by.
Ён падкрэсліў, што цяпер у Гродзенскай вобласці ёсць пагадненні аб супрацоўніцтве з 8 рэгіёнамі Украіны. На форуме, як плануецца, пагадненні таксама падпішуць са Львоўскай і Херсонскай абласцямі. Прапрацоўваюцца канкрэтныя сумесныя праекты, варыянты супрацоўніцтва ў розных сферах.
«Чакаем нямала гасцей самага высокага ўзроўню. Для рэгіёну гэта вялікі гонар. Рыхтуемся сур’ёзна, прыводзім у парадак горад, дарогі, вырашаем пытанні, якія тычацца гасцініц», — адзначыў Уладзімір Краўцоў. Падчас форуму пройдуць выстава вытворцаў дзвюх краін і вялікі рамесная кірмаш.
III Форум рэгіёнаў Беларусі і Украіны адбудзецца ў Гродне восенню.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…