Два гады таму мы пісалі пра двух хлопцаў, якія першымі запусцілі ў Гродне вытворчасць акуляраў у драўлянай аправе. Адзін са стваральнікаў мясцовага брэнда “Mark Twain” Мікіта Антанавіч сур’ёзна хворы. Упершыню пост аб дапамозе ён апублікаваў у сваіх сацыяльных сетках 5 лютага.
Два гады таму ў Мікіты выявілі рак. Да хваробы хлопец займаўся распрацоўкай брэнда акуляраў “Mark Twain” і танчыў у гродзенскім калектыве “Белыя росы”. За час хваробы хлопец перанёс дзясятак хіміятэрапій і некалькі аперацый. Гродзенец кажа, што беларускія лекары зрабілі ўсё магчымае, але хвароба не сыходзіць. На сённяшні дзень адзіны шанец – лячэнне ў Германіі.
Але на гэта сродкаў у яго няма.
