На што плануюць вытраціць бюджэт Гродзенскай вобласці

Сфармаваны прагноз сацыяльна-эканамічнага развіцця Гродзенскай вобласці. Большая частка бюджэту датычыцца сацыяльнай сферы. Таксама плануюць інвестыцыі, піша zviazda.by.

На сесіі Гродзенскага абласнога Савета дэпутатаў было адзначана, што бюджэт вобласці крыху вырас. Добра спрацавалі прамысловасць, транспарт, гандаль. Пакуль недацягваюць сельская гаспадарка і будаўніцтва. Рост валавога рэгіянальнага прадукту — 103%.

Куды пойдзе 70% бюджэту

70% бюджэту будуць скіраваны на развіццё сацыяльнай сферы: ахова здароўя, адукацыя, сацыяльнае і пенсійнае забеспячэнне. Заробкі супрацоўнікаў павялічаць на 16%. Вырашаць праблемы жыллёва-камунальнай гаспадаркі. У першую чаргу, пытанне па чыстай вадзе ў сельскай мясцовасці. Летась пабудавана 45 станцый абезжалезвання, сёлета запланавана запусціць яшчэ 42 станцыі. За некалькі гадоў праблема чыстай вады будзе вырашана ва ўсіх аграгарадках вобласці.

Таксама ў сістэме ЖКГ будзе працягвацца работа па замене цепласетак, што дазволіць паменшыць страты цяпла да 10%. Будзе заменена 125 ліфтаў, якія адпрацавалі свой тэрмін. Сёлета плануецца правесці больш капітальных рамонтаў, чым летась. Частковае фінансаванне работ па энергазберажэнні і рамонце будзе весціся за кошт рэсурсаў міжнароднага Банка рэканструкцыі і развіцця.

Куды будуць інвеставаць?

Сёлета вобласць плануе атрымаць вынікі ад папярэдніх інвестыцыйных праектаў і закласці аснову будучага. Усяго ў вобласці сфарміравана больш за 300 інвестыцыйных праектаў, але ёсць прыярытэтныя. Па словах старшыні Гродзенскага аблвыканкама Уладзіміра Краўцова, асаблівая ўвага будзе ўдзяляцца чатыром асноўным праектам. Гэта АЭС, азотны комплекс, цэментны завод і шклозавод «Нёман». Усе яны павінны выйсці на рэнтабельную работу. Пасля завяршэння праекта АЭС пачнецца будаўніцтва азотнага комплексу коштам больш за мільярд долараў.

Плануюць развіваць інфраструктурныя праекты, у тым ліку, транспартныя. Адзін з іх — будаўніцтва трасы М6 — амаль завершаны. У вобласці адрамантавана і пабудавана 900 кіламетраў дарог. На гэтую работу закладзены значныя сродкі і сёлета.

Прадугледжана і стварэнне цэнтраў аховы здароўя. Такія цэнтры пачнуць працаваць у чатырох гарадах — Гродне, Лідзе, Ваўкавыску і Астраўцы. Тут будуць выдаткаваны сродкі на мадэрнізацыю абсталявання, што дазволіць выконваць складаныя тэхналагічныя аперацыі. Ёсць супольная праграма з Міністэрствам аховы здароўя, у якой закладзены значныя сродкі на гэтыя мэты.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025