Урад Расіі падаў у адстаўку, паведамляе tass.ru. Такое рашэнне было прынята пасля таго, як прэзідэнт Расеі Уладзімір Пуцін прапанаваў змены ў Канстытуцыю.
Пуцін мае намер увесці пасаду намесніка старшыні Савета бяспекі. Пост ён хоча прапанаваць Дзмітрыю Мядзведзеву. Кіраўніком Савета бяспекі РФ з’яўляецца Уладзімір Пуцін.
Савет бяспекі РФ — канстытуцыйны орган, які ажыццяўляе падрыхтоўку рашэнняў прэзідэнта па пытаннях забеспячэння абароненасці жыццёва важных інтарэсаў асобы, грамадства і дзяржавы ад унутраных і знешніх пагроз, правядзення адзінай дзяржаўнай палітыкі па забеспячэнню нацыянальнай бяспекі, піша t*t.by. Прэзідэнт РФ можа ўскласці на Савет бяспекі «іншыя задачы і функцыі ў адпаведнасці з заканадаўствам Расійскай Федэрацыі».
15 студзеня ў час паслання Федэральнаму Збору РФ прэзідэнт Уладзімір Пуцін заявіў, што неабходна ўнесці некалькі паправак у Канстытуцыю.
Пуцін прапанаваў надзяліць Дзярждуму правам сцвярджаць кандыдатуры прэм’ер-міністра і ўрада. Пры гэтым прэзідэнт не зможа іх адхіліць. Зараз прэзідэнт Расіі сам прызначае кіраўніка ўрада, яго намеснікаў і ўсіх міністраў.
У Канстытуцыі таксама прапануецца замацаваць ролю Дзяржсавета — органа пры прэзідэнце, у які ўваходзяць кіраўнікі суб’ектаў Федэрацыі, члены ўрада, спікеры Дзярждумы і Савета Федэрацыі, паўпрад прэзідэнта ў федэральных акругах.
Пуцін адзначыў, што Расія павінна заставацца прэзідэнцкай рэспублікай і за кіраўніком дзяржавы павінна заставацца права адхіляць ад пасад кіраўніка ўрада, яго намеснікаў «у выпадку неналежнага выканання імі абавязкаў або страты даверу».
За прэзідэнтам павінна заставацца прамое кіраўніцтва Узброенымі сіламі і ўсёй праваахоўнай сістэмай краіны. Пры гэтым сцвярджаць усіх кіраўнікоў сілавых ведамстваў прэзідэнт зможа толькі пры кансультацыі з Саветам Федэрацыі.
Што тычыцца прэзыдэнцкіх тэрмінаў, то, па словах Пуціна, гэта пытанне ён прынцыповым не лічыць, аднак згодны з тым, што «адна і тая ж асоба не павінна займаць пасаду прэзідэнта Расійскай Федэрацыі больш за два тэрміны».
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…
Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…
Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…
Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…
«Такіх месцаў і ў свеце не так многа, а ў Беларусі нічога падобнага проста няма», —…
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…