У рэспубліцы вывучаць перспектывы далейшага пашырэння зоны безвіза, у тым ліку на наземныя пункты пропуску і абласныя аэрапорты. Пра гэта начальнік Дэпартамента па грамадзянстве і міграцыі МУС Аляксей Бягун распавёў у праграме «Не для протокола», паведамляе «Мінск-Навіны».
— Бязвізам карыстаюцца ўсё больш і больш замежных грамадзян, — адзначыў А. Бягун. — Калі казаць пра ўезд на тэрыторыю краіны ў рамках указа № 8, які прадугледжвае спыненне мяжы па бязвізу ў Нацыянальным аэрапорце Мінск, то ў гэтым годзе гэтай прэферэнцыяй скарысталіся больш 137 тыс. іншаземцаў.
Пашырэнне зоны бязвіза дасць магчымасць павысіць прывабнасць рэспублікі для турыстаў з іншых краін. Напрыклад, аб’яднаную бязвізавую тэрыторыю «Брэст — Гродна» (шэраг раёнаў дзвюх абласцей) за 11 месяцаў гэтага года наведалі 135 тыс. падарожнікаў.
Па словах начальніка ДГіМ, аналізуюцца міграцыйныя патокі, турысты, тэрміны іх знаходжання, запатрабаванасць турыстычных паслуг у Беларусі, каб у будучыні з улікам міграцыйных рызык распаўсюдзіць гэты вопыт у тым ліку на іншыя пункты пропуску.
