Велагараж, веламаячкі і велапаркоўка з’явіліся ў Гродне пры падтрымцы Еўрасаюза

Адсутнасць месцаў для захоўвання ровараў ўваходзіць у топ-3 самых распаўсюджаных прычын для адмовы ад выкарыстання яго ў якасці транспарту. Адным з рашэнняў з’яўляецца будаўніцтва гаражоў для захоўвання ровараў у дварах.

Магчымасць узвесці велагараж ў двары аднаго з жылых дамоў у раёне Каўбасіно з’явілася ў ГАВ «ВелаГродна» дзякуючы ўдзелу ў конкурсе прапаноў па паляпшэнню веласіпеднай інфраструктуры і ўмоў развіцця веласіпеднага руху ў рэгіёнах Беларусі пры фінансавай падтрымцы Еўрасаюза.

— Усяго на конкурс было пададзена каля 90, а адабрана 24 заяўкі. З іх дзве з Гродна — ад ГАВ «ВелаГродна» і Лютэранскай кірхі, — распавядае прадстаўнік праекта «Гарадскі веларух у Беларусі» Юлія Каляда. — Галоўны акцэнт быў зроблены на ўстаноўку гаража — новага для Гродна элемента велаінфраструктуры.

Гараж разлічаны на 20 ровараў. Сцены велагаража зробленыя святлапразрыстымі, каб павялічыць колькасць натуральнага святла ўнутры будынка. Ніз фасада пакрыты апрацаваным дрэвам, каб не дапускаць траплення бруду ўнутр.

— Нам яшчэ трэба будзе вывучыць вопыт эксплуатацыі велагарожоў жыхарамі. Зараз мы разлічваем, што ім будуць карыстацца тыя, хто на ровары ездзіць на працу кожны дзень, жыхары паверха, у якога няма «калясачных», і тыя, хто прымаў удзел ва ўладкаванні гаража, — каментуе старшыня праўлення таварыства ўласнікаў «Суворава 304а» Аляксандр Саваневіч. — Да вясны вакол гаража мы добраўпарадкуем тэрыторыю: пакладзем плітку, адновім газон.

— У Гродне гэта ўжо чацвёрты велагараж. Першыя тры былі пабудаваныя забудоўшчыкам ў новым мікрараёне Грандзічы-2, дзе паступова плануецца ўзвядзенне 14 велагаражоў. Акрамя таго, у нашым горадзе актыўна развіваецца сетка велапарковак, якіх налічваецца ўжо не менш 380. Гэта важна, бо і працягласць веладарожак будзе павялічвацца. У гэтым годзе пабудавана 1,2 км на пр-це Я.Купалы, — паведаміў начальнік аддзела спорту і турызму Гродзенскага гарвыканкама Яўген Ародзь.

У Гродне акрамя велагаража таксама ўстаноўлены два стэнда для самастойнага рамонту ровараў (веломаячкі) і велапаркоўка. Адзін стэнд размясцілі побач з гаражом, другі - у цэнтры горада, каля Моладзевага цэнтра, а велапаркоўка з’явілася каля Лютэранскай Царквы.

— Месцы ўстаноўкі веламаячкоў выбраны не выпадкова. У раёне Суворава няма веламайстэрняў, а ў цэнтры Гродна шмат турыстаў, у тым ліку веласіпедыстаў. Аўтаномныя майстэрні павінны быць запатрабаваныя, — адзначыла Юлія Каляда.

Устаноўка велагаража, велапаркоўкі і стэндаў для экспрэс-рамонту ровараў праходзіць у рамках рэалізацыі праекта «Развіццё гарадскога веласіпеднага руху ў інтарэсах грамадскасці Рэспублікі Беларусь», што фінансуецца Еўрапейскім саюзам і рэалізуецца установай «Цэнтр экалагічных рашэнняў» сумесна з грамадскім аб’яднаннем «Мінскае веласіпеднае таварыства».

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025