Ад мора да мора: Украіна плануе запусціць рачныя перавозкі праз Беларусь

Ва ўкраінскім Міністэрстве інфраструктуры спадзяюцца запусціць рачныя перавозкі з Беларусі да Чорнага мора праз Украіну ў другой палове 2020 года, перадае hromadske.ua. Украіна мяркуе развіваць унутраныя водныя шляхі да сябе для таго, каб сумясціць Чорнае, Балтыйскае і Каспійскае мора. Для гэтага там плануюць супрацоўнічаць з Беларуссю, Польшчай і Грузіяй.

«Калі нашы польскія суседзі падтрымаюць гэты праект, мы зможам сумясціць Балтыйскае, Чорнае і Каспійскае мора. Гэта вялікі выклік і мы ўжо пачалі неабходныя працэдуры. Спадзяюся, з другой паловы 2020 года мы будзем гатовыя зрабіць першыя перавозкі унутраным водным транспартам з Беларусі да Чорнага мора», — паведаміў міністр інфраструктуры Уладзіслаў Крыклій.

Ён дадаў, што для рэалізацыі гэтага праекта ва Украіне будуць праводзіць працы па паглыбленні дна на рэках, у прыватнасці на Дняпры. Гэта павінна прывесці да росту аб’ёмаў грузаперавозак па Дняпры. Таксама ва ўрадзе чакаюць прыняцце шэрагу законаў аб ўнутраным водным транспарце.

У лістападзе 2018 гадоў ў Беларусі разглядалі магчымасць будаўніцтва свайго першага марскога порта. Ён павінен быў размяшчацца недалёка ад мяжы з Украінай на рацэ Дняпро. Год таму паведамлялася, што бізнес-план будаўніцтва беларускага марскога порта распрацаваны і знаходзіцца на экспертызе ў Мінсктрансе. Праўда, з таго часу навін пра гэта не з’яўлялася, піша euroradio.fm.