Мужчына прадаў 250 шчанюкоў пад выглядам нямецкай аўчаркі. Казаў, што прадае іх сілавым структурам

Фота: sk.gov.by

Мужчына з Гродна прадаваў шчанюкоў змешаных парод пад выглядам нямецкай аўчаркі за 100-300 долараў. У вобласці знайшлі 250 пацярпелых. Мужчыну абвінавачваюць у махлярстве, паведамляе СК.

Абвінавачаны, каб увайсці ў давер да пакупнікоў, абяцаў магчымасць аплаты за шчанюкоў ў растэрміноўку. Таксама мужчына тлумачыў, што ў выпадку ўзнікнення пытанняў, можна вярнуць шчанюкоў без аплаты. Пры гэтым у кожным дагаворы ўказваліся «шчанюкі сабак», а канкрэтная парода прадаванай сабакі не ўдакладнялася. У вобласці знайшлі 250 пацярпелых. Калі яны разумелі, што набылі нечыстакроўных шчанюкоў, пераставалі плаціць. Абвінавачаны ў 2014-2019 гадах падаваў пазовы ў сувязі з неаплаты або няпоўнай аплатай.

Абвінавачаны распавядаў, што ён заводчык нямецкіх аўчарак, і шчанюкі менавіта гэтай пароды прадае не толькі грамадзянам, але і сілавым ведамствам. Абяцаў перадаць дакументы, якія пацвярджаюць радавод шчанюкоў.

Мужчыну ўзялі пад варту. Паступаюць заявы па аналагічных фактах ад жыхароў Магілёўскай, Мінскай, Гомельскай, Віцебскай абласцей. Пацярпелымі таксама могуць апынуцца жыхары Брэсцкай вобласці.

Каментары

Spelling error report

The following text will be sent to our editors: