13 верасня на базе сярэдняй школы № 22 адкрылі першы цэнтр дапрызыўнай і медыцынскай падрыхтоўкі для навучэнцаў старэйшых класаў. Каля 1300 юнакоў і дзяўчат з сямнаццаці школ Ленінскага раёна будуць вывучаць асновы воінскага мастацтва і аказання першай медыцынскай дапамогі ў спецыялізаваным цэнтры. Замест школьных выкладчыкаў урокі будуць весці лекары і афіцэры запасу, піша grodnonews.by.
На цырымоніі адкрыцця прысутнічалі памочнік прэзідэнта Беларусі - інспектар па Гродзенскай вобласці Іван Лаўрыновіч, начальнік упраўлення КДБ па Гродзенскай вобласці Аляксандр Невяроўскі, старшыня Гродзенскага абласнога суда Аляксандр Корзун, кіраўнік адміністрацыі Ленінскага раёна г. Гродна Іван Курман і ваенны камісар Гродзенскай вобласці Вячаслаў Раманенко.
Пасля ўрачыстага адкрыцця цэнтра выконваючая абавязкі дырэктара ДУА «Сярэдняя школа № 22» Надзея Ганчар і начальнік ваеннага факультэта Гродзенскага дзяржаўнага ўніверсітэта імя Янкі Купалы палкоўнік Лявонцій Паўлаў падпісалі дамову аб узаемным супрацоўніцтве, бо школьнікі, якія вывучаюць асновы ваеннага майстэрства, у будучыні могуць стаць найбольш падрыхтаванымі курсантамі для Узброеных сіл Беларусі.
