13-гадовы кіроўца вырашыў пакатаць сяброў на машыне бацькоў. Глядзіце, што ў яго атрымалася

Фота: lidanews.by

Як распавялі ў ДАІ, інцыдэнт адбыўся на мінулым тыдні. Каля шасці вечара ў дзяжурную частку Лідскага РАУС патэлефанаваў відавочца і паведаміў, што ў двары дома па вул. Кааператыўнай на аўтамабілі ездзяць дзеці, гадоў 12-ці, не болей. Мінаку ледзь не наехалі на нагу, паведамляе lidanews.by.

Прыняўшы ад дзяжурнага паведамленне, у бок названага адраса адправіўся нарад ДПС. У двары шматпавярхоўкі супрацоўнікі ДАІ не выявілі аўтамабіля з дзецьмі. Выявіўшы ўладальніка, патэлефанавалі таму на мабільны тэлефон. Уладальнікам значылася лідчанка. На званок адказаў малады чалавек і сказаў, што мама цяпер на бацькоўскім сходзе, а тата ў рэйсе. А яшчэ прызнаўся, што так, гэта ён ездзіў на машыне бацькоў, і пакуль аўтаінспектары афармлялі пратакол, слёзна прасіў іх не расказваць пра тое, што здарылася, бацькам. Казаў, што ніколі больш так не будзе.

Для разбору справа перададзеная ў інспекцыю па справах непаўналетніх.

Каментары

Spelling error report

The following text will be sent to our editors: