У Гродне дзве дзяўчыны з Шры-Ланкі пайшлі па пакупкі. У камеры захоўвання адна з іх пакінула свой заплечнік, у якім знаходзілася 2,7 тыс. долараў ЗША і 500 беларускіх рублёў. Студэнтка не зачыніла вочка на замак, заплечнік скралі.
У гэты ж час у краму зайшлі двое мужчын, якія, як расказалі ў МУС, неаднаразова траплялі ў поле ўвагі міліцыі раней. Яны ўбачылі адкрытую ячэйку і заплечнік ў ёй. Адзін з іх свабодна дастаў яго, накінуў на плячо і накіраваўся да выхаду з крамы.
Так супала, што супрацоўнік крымінальнага вышуку Ленінскага РАУС Гродна ў гэты час падыходзіў да той жа крамы ў цывільным. Мясцовыя жыхары былі яму знаёмыя, ён звярнуў увагу на жаночы заплечнік на плячы аднаго з іх. Аператыўнік развярнуўся на ганку крамы, пайшоў услед за мужчынамі, дагнаў і папрасіў паказаць, што знаходзіцца ў заплечніку.
Для разбіральніцтва грамадзяне былі дастаўлены ў Ленінскі РАУС. Да гэтага часу пацярпелыя яшчэ не паспелі звярнуцца ў міліцыю. Пазней дзяўчаты прыбылі ў раённы аддзел міліцыі для напісання заявы, але ніяк не чакалі, што адразу змогуць забраць скрадзеныя рэчы і ўсе грошы ў наяўнасці.
У дачыненні да гродзенца 1969 года нараджэння, які выкраў заплечнік, распачалі крымінальную справу па ч.1 арт. 205 («Крадзеж»).
На Румлёўскім праспекце ў Гродне ўзвядуць транспартную развязку. Грунт у раёне абследуюць на заражанасць насеннем…
У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…
Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…
Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…
У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…