Савет Рэспублікі ўхваліў на пасяджэнні 28 чэрвеня законапраект аб амністыі ў сувязі з 75-годдзем вызвалення Беларусі, піша belta.by. Міністр унутраных спраў Юрый Караеў паведаміў, што, паводле папярэдніх дадзеных, амністыя закране каля 6 тыс. чалавек, асуджаных за няцяжкія злачынствы. У тым ліку з месцаў пазбаўлення волі вызваляцца каля 2 тыс. чалавек.
Тэрмін выканання законапраекта павялічаны з 6 да 9 месяцаў. Прапануюць скараціць пакаранне на адзін год асобам, асуджаным па ч.1 арт.328 Крымінальнага кодэкса (незаконны абарот наркатычных сродкаў), а таксама ч.ч.2 і 3 гэтага артыкула. Непаўнагадовым тэрмін пакарання скароцяць на два гады.
Як паведамлялася, традыцыйна прапануецца вызваліць асоб, якія адносяцца да так званай льготнай катэгорыі асуджаных, што здзейснілі няцяжкія злачынствы. Гэта непаўналетнія, жанчыны і мужчыны, якія маюць дзяцей ва ўзросце да 18 гадоў, цяжарныя жанчыны, пенсіянеры, інваліды I і II груп, хворыя на анкалагiчныя захворваннi, на актыўную форму туберкулёзу 1,2,5 «А», 5 «Б» груп дыспансэрнага ўліку, ВІЧ-інфікаваныя з трэцяй і чацвёртай стадыямі.
Амністыя закране і ветэранаў баявых дзеянняў на тэрыторыі іншых дзяржаў, грамадзян, пацярпелых ад катастрофы на ЧАЭС. Амністыя будзе прымяняцца толькі да асоб, якія станоўча характарызуюцца і цалкам пакрылі шкоду, прычыненую злачынствам.
Прапануюць не распаўсюджваць амністыю на тых, хто раней ёю скарыстаўся, але зноў здзейсніў злачынства. Гэта ж адносіцца і да тых, хто парушае парадак адбыцця пакарання, асабліва небяспечным рэцыдывістам. Не будуць вызваляць тых, хто здзейсніў злачынствы супраць жыцця і здароўя чалавека, палавой недатыкальнасці, звязаныя з незаконным абаротам наркотыкаў, здзейсненыя арганізаванай групай, карупцыйныя злачынствы.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…