«Ты мяне пазнаў?» Менавіта з гэтых слоў стаў знаёміцца мужчына, які пашкодзіў аўтамабіль гродзенца, паведамляе УУС Гродзенскага аблвыканкама.

У канцы траўня юнак пакінуў свой транспартны сродак «Mazda 626» каля 4-га пад’езда дома 113 па вуліцы Дзяржынскага. Праз некаторы час да машыны падышоў невядомы мужчына і ўдарыў па бамперы, пасля чаго сеў на лаву побач з пад’ездам. Калі ўладальнік аўтамабіля вярнуўся, невядомы спытаў у таго: «Ты мяне пазнаў?». Пасля адмоўнага адказу ён нанёс яшчэ адзін удар. Пасля другога ўдару мужчына удакладніў, ці ўсё нармальна.

Машына пашкоджана. Малады чалавек і на самой справе не пазнаў дэбашыра. Калі ў вас ёсць нейкая інфармацыя пра мужчыну з фота і відэа, УУС Гродзенскага аблвыканкама просіць патэлефанаваць на нумар: +375−29−28−09−293.