Стала вядома дата веламарафону «Суседзi». У гэтым годзе дададуць яшчэ адну дыстанцыю

Веласіпедны марафон «Суседзi 2019» пройдзе 20 ліпеня 2019 года на тэрыторыі Гродзенскага раёна. Месца старту і фінішу — шлюз Дамброўка, Аўгустоўскі канал.

Веламарафон «Суседзi» — гэта штогадовы міжнародны аматарскі веламарафон, арганізаваны веласіпедыстамі Гродна. Пачынаючы з 2012 года марафон «Суседзi» быў афіцыйна дададзены ў якасці аднаго з этапаў польскіх Maratony Kresowe (Марафон памежжа), адзіны, які праводзіцца на тэрыторыі Беларусі.

Арганізатары распавялі, што ў гэтым годзе на «Суседзях» стане на адну дыстанцыю больш.

Для некаторых удзельнікаў Міні-марафон быў занадта кароткім, а Паўмарафон — занадта складаным. Новую дыстанцыю з працоўнай назвай «Фіт-марафон» (15−25 км) змогуць пераадолець як пачаткоўцы, так і навучэнцы велошкол. Прымаючы гэта рашэнне, арганізатары таксама спадзяюцца павялічыць колькасць удзельнiкаў у веламарафоне жанчын.

Спаборніцтвы праводзяцца на чатырох розных дыстанцыях: «Марафон» (~ 65 км), «Паўмарафон» (~ 39 км), «Фіт-марафон» (~ 20 км), і «Міні-марафон» (~ 7 км), «Дзіцячы велозаезд «(~ 100 м).

Праграма спаборніцтваў

• 09:00 — 11:00 рэгістрацыя ўдзельнікаў спаборніцтваў;
• 11:10 — старт «Дзіцячага велазаезду»;
• 11:30 — старт «Міні-марафону»;
• 11:45 — цырымонія ўзнагароджання «Дзіцячага велозаезду»;
• 00:30 — старт «Марафону»;
• 00:50 — старт «Паўмарафону»;
• 13:10 — старт «Фіт-марафону»;
• 13:45 — цырымонія ўзнагароджання «Міні-марафону»;
• 17:00 — закрыццё фінішу;
• 17:30 — цырымонія ўзнагароджання «Фіт-марафону», «Паўмарафону» і «Марафону», закрыццё спаборніцтваў.

За 5 хвілін да старту кожнай дыстанцыі праводзіцца перадстартавы брыфінг.

Арганізатары адкрытага веласіпеднага марафону «Суседзi 2019» — Грамадскае аб’яднанне веласіпедыстаў «ВелаГродна» і Гродзенскі раённы выканаўчы камітэт.