Свята для гродзенскіх медалістаў прайшло ў драмтэатры 8 чэрвеня. Цырымонія ўручэння залатых і сярэбраных медалёў лепшым адзінаццацікласнікам гэта ўжо гарадская традыцыя — у гэтым годзе яна праходзіла ў 15-ы раз.
Узнагароджвалі выпускнікоў медалямі і адмысловымі атэстатамі прадстаўнікі гарадской адміністрацыі. Вечарам ва ўчорашніх школьнікаў пройдуць выпускныя.
Адукацыйная сетка Гродна складаецца з 141 установы. Сярод іх 40 школ, гімназіі і ліцэй. Усяго ў Гродне навучаецца і выхоўваецца 41,5 тыс. навучэнцаў. Больш за 2000 з іх у гэтым годзе скончылі школу. Залатым або сярэбраным медалём узнагародзілі 203 выпускніка.
