Дзеці з усёй вобласці намалявалі амаль 1000 малюнкаў. Тэма акцыі - «Малая Радзіма», арганізатар — гродзенскае прадпрыемства «Малочны Мір».
Тэма малюнкаў - «Малая Радзіма», хоць на некаторых выяўленыя першамайскія плакаты. Усе малюнкі змясцілі ў рамкі і ўпрыгожылі імі тралейбусы Гродна. Акрамя таго, дзіцячыя карціны з усіх раёнаў вобласці будуць транслявацца на дыёдным экране на скрыжаванні вуліц Курчатава і Гаспадарчай, піша grodnonews.by.
Акцыю арганізавалі па ініцыятыве гендырэктаркі ААТ «Малочны Мір», дэпутаткі абласнога Савета дэпутатаў Марыны Анікеевай. Дапамаглі з арганізацыяй супрацоўнікі галоўнага ўпраўлення адукацыі Гродзенскага аблвыканкама.
