У дачыненні да старшыні непрызнанага дзяржавай Саюзу палякаў Анжалікі Борыс распачатая адміністрацыйная справа за традыцыйны кірмаш на закрытай тэрыторыі, які праводзіўся ў Горадні дваццаты раз, піша s**boda.org. Раней улады не мелі да яго прэтэнзій.
На старшыню Саюзу палякаў у Беларусі (СПБ) Анжаліку Борыс склалі адміністрацыйны пратакол за арганізацыю традыцыйнага кірмашу «Казюкі».
Кірмаш праводзіўся 3 сакавіка ва ўнутраным дворыку каля польскага консульства. Па словах Анжалікі Борыс, гэтую тэрыторыю СПБ арандуе. Арганізатарамі выступалі СПБ і Генеральнае консульства Польшчы ў Горадні.
Як паведаміла Анжаліка Борыс, кірмаш «Казюкі» з удзелам рамеснікаў ладзіўся ў Горадні Саюзам палякаў дваццаты раз, але парушэнне ў яго правядзенні міліцыянты ўбачылі ўпершыню. Апошні раз на Борыс складалі адміністрацыйны пратакол у 2008 годзе за арганізацыю святкавання Дзён Польшчы.
«Такая краіна цудаў: бывае можна, бывае няможна. Гэта палітычна матываваная справа. Яна заўсёды можа з’явіцца, не маючы ніякіх падставаў для гэтага», — мяркуе Борыс.
Яна не прызнае сваёй віны, бо ладзіла мерапрыемства згодна са статутам СПБ.
«Я гэта праводзіла, я гэта буду праводзіць, нягледзячы на тое, ці яны будуць судзіць, ці будуць саджаць, ці будуць караць. Гэта не паўплывае на нашую дзейнасць… Гэта нашая культура, нашая традыцыя. Мы не толькі можам, але абавязаныя гэта рабіць», — запэўніла кіраўніца СПБ.
На ейную думку, яна не парушыла ніякага парадку, бо на імпрэзе не распальвалі міжнацыянальнай варожасці, нікога не пакрыўдзілі.
Борыс дадала, што СПБ не звяртаўся да гарадскіх уладаў па дазвол на масавае мерапрыемства, бо не лічыць яго такім. Імпрэза праводзілася ў закрытым дворыку, які яны арандуюць, а не на плошчы для вялікай колькасці людзей.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…