Фото: smaster.by
Упершыню ў Беларусі адкрываюцца курсы кіроўцаў для людзей, якія перанеслі траўму шыі. Раней гэта было для іх недаступна.
Праект DVEPOLOSKI сумесна з Рэспубліканскай асацыяцыяй інвалідаў-калясачнікаў і сеткай крам «Суседзі» адкрываюць магчымасць тым, хто перастаў спадзявацца.
Паводле беларускага заканадаўства для навучання ваджэнню на аўтадромах не патрэбна даведка ад кіроўчай камісіі. Мінская аўташкола «СпецАвтоМастер» з’яўляецца партнёрам ГА «РАІК» у гэтым праекце: навучанне будзе праходзіць з дапамогай інструктараў «СпецАвтоМастер» і на іх аўтамабілях.
На аўтамабіль будзе ўстаноўлена нямецкае ручное кіраванне для людзей з шыйнай траўмай кампаніі Veigel. Навучэнцы пройдуць тэарэтычны курс правілаў дарожнага руху, пройдуць навучанне на аўтапалігоне «СпецАвтоМастер» і на аўтапалігоне НТЦ «Рэспубліканскі палігон для выпрабаванняў мабільных машын», дзе ёсць разгонная паласа даўжынёй 4 кіламетры. Таксама для ўсіх, хто пройдзе навучанне, будуць наладжаны спаборніцтвы па хуткасным манеўраванні з прызамі і падарункамі.
Працэс навучання будзе здымацца на відэа, а ролікі будуць публікавацца ў інтэрнэце для адвакатавання інтарэсаў людзей, якія перанеслі траўму шыі, зняцця бар’ераў, медыцынскіх супрацьпаказанняў і дыскрымінацыі ў дачыненні да такіх людзей.
Запісацца ў аўташколу можна, звярнуўшыся наўпрост у ГА «РАІК». Ці запоўніўшы анлайн-анкету.
З першага сакавіка, купляючы ў крамах «Суседзі» піцу «Nravizza» і сок «Добрый», вы пералічваеце частку сродкаў на разліковы рахунак ГА «Рэспубліканская асацыяцыя інвалідаў-калясачнікаў», адкуль і фінансуецца аўташкола для людзей з шыйнай траўмай.
Каб папулярызаваць акцыю, у сацсеткі можна рабіць пасты з хэштэгам #DvepoloskiHelp.
Непаўналетняга жыхара Ваўкавыска асудзілі на год "хатняй хіміі" за здзек з дзяржаўнага сцяга, піша мясцовая…
Асноўныя мерапрыемствы пройдуць у цэнтры горада 1 сакавіка. Запланавана масленічнае шэсце, спаленне пудзіла зімы і…
Гродзенка паказала ў TikTok наступствы капітальнага рамонту інтэрната па вуліцы Гогаля, 9. Пасля работ на…
Жылы комплекс «Аляксандраўскі» узводзяць на месцы былых ваенных казармаў. Забудова будзе складацца з двух невысокіх…
На пешаходных дарожках па вул. Дамброўскага ў Гродне з'явіцца асвятленне. Работы збіраюцца правесці з сярэдзіны…
На некалькіх міжгародніх маршрутах Гродзенскай вобласці ўпершыню з'явілася магчымасць заплаціць за праезд у маршрутцы карткай.…