Запрацаваў экалагічны чат-бот. Расказвае, што рабіць з адкідамі

У Беларусі з’явіўся чат-бот, які ведае ўсё пра перапрацоўку адкідаў. Яго стварыла каманда Цэнтра экалагічных рашэнняў для таго, каб насельніцтву стала больш зразумела, што рабіць з побытавым смеццем. 

У які кантэйнер пакласці той ці іншы від адкідаў, што рабіць з тым, што нельга адправіць на перапрацоўку, як і навошта ўнікаць смецця, якое з нашага дома едзе проста на звалку. Для таго, каб знайсці патрэбны адказ, трэба зайсці ў «Тэлеграм» і ўвесці логін @EcoideaBot, націснуць кнопку «Запусціць». Засталося задаць боту пытанне (напрыклад, «Куды здаць папяровыя кубачкі?») ці напісаць тып адкідаў, ад якога хаціце пазбавіцца (напрыклад, «папяровыя кубачкі») – атрымайце адказ.

Запрацаваў экалагічны чат-бот. Расказвае, што рабіць з адкідамі
Фота Яны Бондар

Стваральнікі адзначаюць: калі экалагічны робат не дапамог (такое можа здарыцца), то яго дадаткова адукуюць, і хуткім часам на новыя пытанні карыстальнікамі ён зможа даваць адказы.

Па хуткім часе экалагічны чат-бот запрацуе таксама на некалькіх экалагічных сайтах, якія даюць тэматычную інфармацыю, каб у карыстальнікаў, якія не маюць месэнджара, таксама была магчымасць удакладніць патрэбную інфармацыю пра адкіды ў Беларусі.

Запрацаваў экалагічны чат-бот. Расказвае, што рабіць з адкідамі
Яўген Лабанаў

— Стварэнне гэтага інтэрнет-прадукту з’яўляецца заканамерным працягам інфармацыйна-асветніцкай працы Цэнтра экалагічных рашэнняў, якой арганізацыя займаецца ўсе дзесяць гадоў свайго існавання, — адзначае дырэктар Цэнтра экалагічных рашэнняў Яўген Лабанаў. – І мы хацелі б змяняць уяўленні людзей пра смецце: кожны і кожная павінны разумець, што перапрацоўка сёння глабальна не развязвае праблему адкідаў, і нам трэба адыходзіць ад аднаразовага стылю жыцця. Менавіта таму мы і наш робат падказваем не толькі разумныя спосабы пазбавіцца ад смецця, але і экалагічна сяброўскія альтэрнатывы аднаразовым таварам, якія з нашай хатняй урны сёння ідуць наўпрост на звалку.

 

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Каментары

Spelling error report

The following text will be sent to our editors: