Памятныя сустрэчы да дня ушанавання ахвяраў Халакосту прайшлі ў Вялікай харальнай сінагозе і храмах горада. У навучальных установах Гродна прайшлі «урокі Халакосту». Адзнака дня — 6 памятных свечак ва ўшанаванне памяці 6 000 000 мільёнаў загінулых яўрэяў.
У сінагозе 27 студзеня словы пашаны ад праваслаўных казаў святар Георгій Рой і ад каталікоў - каталіцкі святар Анджэй Лішко. Выступілі прадстаўнікі Літоўскага і Польскага консульстваў, Саюза палякаў, мецэнаты сінагогі, гісторыкі і сябры моладзевых арганізацый.
У гэты дзень у сінагозе гучала яўрэйская музыка ад групы «Барух-бэнд» з Мінска. Кранальным падарункам для гасцей імпрэзы сталі вершы ў выкананні 90-гадовых «дзяцей вайны» Фаіны Чарновай і Якава Кобрынскага.
