Рэйды моладзевых атрадаў аховы правапарадку арганізаваныя каля небяспечных месцаў для катання з горак. Пра гэта карэспандэнту БелТА паведаміў намеснік старшыні Гродзенскага аблвыканкама Віктар Лісковіч.
Цяпер у Гродзенскай вобласці вялікую ўвагу надаюць прафілактыцы траўматызму пры актыўным зімовым адпачынку. Абследуюцца стромкія горкі. Тыя з іх, што прызнаюць небяспечнымі, пазначаць адмысловымі таблічкамі, абгародзяць або засыплюць пяском.
«Да прафілактычнай работы падключылася моладзь. Месцы катання ўключаны ў маршруты патрулявання міліцыі, а таксама рэйдаў моладзевых атрадаў аховы правапарадку. Дружыннікі праводзяць з адпачывальнікамі тлумачальную працу, тлумачаць правілы бяспекі», — адзначыў Віктар Лісковіч.
Ён нагадаў, што ў Гродзенскай вобласці прынята рашэнне аб правядзенні пазачарговых бацькоўскіх сходаў. Дарослым і дзецям яшчэ раз нагадваюць правілы бяспечных паводзін і выкарыстання спартыўнага інвентара, заклікаюць катацца толькі ў прызначаных для гэтага месцах.
