Пісьменнік стаў бабай Ягой, каб павіншаваць дзяцей з Калядамі

На святкаванне Калядаў ў дзіцячы садок №45, 9 студзеня прыйшлі калядоўшчыкі. Побач са звыклымі казой і мішкам была і яшчэ адна загадкавая істота – баба Яга. Такі вобраз прымерыў на сябе пісьменнік з Навагрудка Міхась Зізюк, каторы разам з сябрамі Таварыства беларускай мовы далучыўся да сустрэчы.

Пісьменнік стаў бабай Ягой, каб павіншаваць дзяцей з Калядамі

Па словах Міхася, ролю  бабы Ягі ён прымярае не першы раз. “Калі напісаў першую дзіцячую кніжку ў 2013 годзе,  таксама прэзентаваў яе ў выглядзе бабы-Ягі. Дзецям не цікава, калі проста стаіць нехта і манатонным голасам тылдычыць. Канечне, я пераўтварыўся ў адзін з вобразаў сваёй кніжкі. Пераўвасобіцца мне няма вялікіх праблем. З дзяцінства я такім быў – жэўжыкам і непаседам. А па-другое, я вельмі люблю дзяцей. Шчыра прызнаюся, каб у садку была добрая зарплата, я б там працаваў”.

Кніжка, пра якую ўзгадаў пісьменнік, называецца “Янка, Шмурдзік, Бухматка ды іншыя”. У 2015 годзе яна патрапіла ў дзясятак лепшых дзіцячых кніг. Для дзяцей з садка ён таксама падарыў асобнік.

Пісьменнік стаў бабай Ягой, каб павіншаваць дзяцей з Калядамі

“Кніжка менавіта для такіх дзяцей. Яна пра тое, як трэба любіць і шанаваць нашу прыроду і нашу зямлю, як трэба сябраваць. Хацеў бы, каб дзеці да гэтага далучыліся”

Па словах пісьменніка, ён заўсёды рады сустрэчы з тымі, што шануе беларушчыну. “Калі не мы то хто? Хто будзе далучаць нашых дзцей да роднай мовы? Калі яны будуць чуць жывое слова, штосці ў іх застанецца. А калі будзем, як сёння, прапагандаваць традыцыі народныя, гэта проста цудоўна”

Міхась Зізюк пачаў пісаць у сорак гадоў. Кажа, да гэтага часу быў “спячым” беларусам. “Але цяпер я прачнуўся, я беларус. Пішу па-беларуску, каб сваімі творамі таксама далучыць людзей да мовы.”

Пісьменнік стаў бабай Ягой, каб павіншаваць дзяцей з Калядамі

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Каментары

Spelling error report

The following text will be sent to our editors: